Saifi nëntë-vjeçar, hafizi më i ri i Kur’anit në Basra të Irakut

Nëntë-vjeçari, Saif Mustafa Latif  e fitoi titullin hafizi më i ri i Kur’anit në qytetin Basra të Irakut.

Në konkurencë  me mijëra hafizë të Kur'anit nga dhjetë krahina të Irakut në garat e Kur’anit dhe mësimit përmendësh të Kur’anit, të mbajtura kohët e fundit në qytetin e shenjtë të  Qerbelasë, Saif Mustafa Latif zuri vendin e pare, u shpallë  si Hafizi më ri, duke mposhtur me qindra hafizë të moshës së tij.

Garat Kur’anore janë pjesë e një programi të nisur në vitin 2009 nga Astan, Kujdestaria e Xhamisë së Shenjtë   të Imam Huseinit (a.s.) në Qerbela, për të mësuar djemtë dhe vajzat të moshave të ndryshme të lexojnë dhe të mësojnë përmendësh Kur'anin, me qëllim të arritjes së objektivit të 1000 hafizëve  të Kur'anit.

Me rreth 4,500 pjesëmarrësv në program  deri më tani, deri tani janë  trajnuar tashmë 550 hafizë të Kur'anit, vetëm në Basra janë 250 hafizë të Kur’anit, duke përfshirë edhe Hafiz Saif Mustafa Latifin, 9 vjeçar.

Saif  Mustafa Latif ishte vetëm tetë-vjeç kur ai u bashkua me një qendër lokale për mësuar leximin dhe mësimin përmendësh të Kur’anit në rrethin e tij el-Medine, 100 km. në veri të qytetit të Basrës.

Por, aftësia e tij për të mësuar përmendësh një numër të madh të sureve, kapitujve  të Kur’anit në një kohë relativisht të shkurtër tërhoqi vëmendjen e mësuesit të tij, duke bërë atë për t'i dhënë fëmijës më shumë vëmendje, sipas Agjencisë Reuters. 

"Në fillim, babai im dhe nëna ime nuk e dinin  që unë kam aftësinë për të mësuar përmendësh (Kur'anin), por kur mësuesi, mësuesi im i cili më mëson mua, i thirri prindërit dhe u tha atyre sa faqe kam memorizuar, ata filluan të kuptojnë dhe të më kushtojnë mua më shumë vëmendje. Në  fillim kam mësuar përmendësh tri deri në pesë faqe të Kur'anit në ditë dhe më vonë numri i faqeve u rrit në 10 dhe më pas në 13 faqe në ditë, "tha Saifi.

Sipas babait të tij, Mustafa, djali më i riu ka ndjekur një afat kohor të rregullt, duke kaluar pesë orë në ditë në qendër, pas mësimit në shkollë, ka mësuar  leximin e Kur’anit dhe mësimin përmendësh të Librit të Shenjtë,  duke kaluar edhe tri orë duke lexuar si përsëritje, kur ai kthehej në shtëpi pas perëndimit të diellit.

Mustafa tha se ai dhe nëna e Saifit në fillim nuk e kanë vënë re talentin e djalit të tyre.

"Kur ai kthehej në shtëpi, mësonte përmendësh një deri në dy faqe (në ditë), por ne nuk e kemi vërejtur se çfarë po bënte, derisa mësuesi i tij na thirri dhe na kërkoi t’i kushtojmë  më shumë vëmendje djalit, duke na thënë se ai kishte një reputacion të mirë në Qendrën Kur’anore dhe ai kishte një kujtesë të fortë dhe se duhet t'i japë atij më shumë vëmendje. Ai gjithashtu kërkoi nga ne që të bashkëpunojnë me qendrën për të ndihmuar atë të bëjë përparim të mëtejshëm, kështu që bashkëpunimi ka filluar ", ka thënë Mustafa Latif.

Së shpejti u përhap fama e Saifit në të gjithë qytetin e Basrës dhe aftësia e tij për të mësuar Kur’anin përmendësh, që ka tërhequr vëmendjen e njerëzve.

"Ai u bë i famshëm dhe njerëzit filluan ta njohin atë kur e shihnin duke ecur në rrugë ose në treg. Ata gjithashtu filluan të përcjellin përparimin e tij  dhe e dinin sa faqe të Kur’anit ka mësuar përmendësh  dhe kjo ishte një  nxitje për të vazhduar me më shumë përpjekje . Këtë vit ai  u bë për herë të parë  hafizi më i ri Hafiz i Kur’anit në Basra të Irakut, "tha babai i Saifit.

Mësuesi i Kur’anit të djalit të ri vlerësoi edhe angazhimin e nxënësve të tij në detyrë.  

"Saif Mustafa Latif  është një prej nxënësve në një nga kurset tona dhe ai është një nga shumë hafizë  të tjerë. Ai tregon bindje ndaj udhëzimeve të mësuesit dhe ai gjithashtu gëzon përkrahjen e prindërve të tij. Ai, dhe nxënësit e tjerë të gjithë kanë një kujtesë të fortë, dhe ata janë të bindur kur bëhet fjalë për udhëzimet nga mësuesi, dhe kjo u ka mundësuar atyre për të mësuar përmendësh Kur'anin në një kohë të shkurtër, për një vit, '' tha Hamza Sabah Jassim i cili është edhe nënkryetar i Qendrës Kur’anore.

Iraku mban një festival vjetor për këndues dhe hafizë të Kur'anit nga mbarë bota. Përveç kësaj, gjithashtu organizon festivale të shumta dhe gara për hafizë të Kur'anit në Irak për të promovuar dashurinë për Librin e Shenjtë, Kur’anin,  në mesin e brezit të ri.