Arabia Saudite, Izraeli ndihmojnë terroristët në Irak

Arabia Saudite dhe Izraeli po mbështesin terroristët e el- Kaides në Irak, tha një politikan irakian për Press TV.

    Ushtria e Irakut është në një luftë të hapur me terroristët. Arabia Saudite ka dërguar armë si dhe terroristë , tha Muhammed Alaukili, në emër të Koalicionit Shtetit Ligjor.

     Forcat irakiane të sigurimit kanë luftuar militantët, degë e el-Kaides, me të ashtuquajturin Shtetit Islamik i Irakut dhe Shamit (ISILI), në qytetet Ramadi dhe Falluxha në Provincën Perendimore  Anbar të Irakut, gjatë dy muajve të fundit.

   Militantët e ISIL-it, gjithashtu, janë duke përdorur gjatë luftimeve armë të vogla që duket se janë të Izraelit, tha, gjithashtu, politikani irakian.

    Muhammed Alaukili, gjithashtu, vuri në dukje se kufiri i Irakut me Arabinë Saudite ka qenë rruga kryesore e furnizimin me armë për terroristët e ISIL-it.

      ISIL është duke u përpjekur të bëjë luftë në qytete të ndryshme në përpjekje për të mposhtur ushtrinë. Izraeli është duke i ndihmuar ata, shtoi ai.

     Dhuna shpërtheu në Anbar në dhjetorin e kaluar, kur forcat e sigurisë pastruan një kamp – vend proteste në Ramadi. Autoritetet irakiane thanë se kampi ishte përdorur si seli e udhëheqjes të el-Kaidës .

    Trupat irakiane të mbështetura nga fiset lokale sunite janë duke luftuar militantët e el- Kaidës  në provincën Anbar.

     Gjakderdhja më vonë u përhap në Falluxha dhe militantët morën qytetin dhe pjesë të qytetit Ramadi.

      Sipas Kombeve të Bashkuara, më shumë se 370. 000 njerëz mund të jenë zhvendosur nga dhuna vdekjeprurëse.