U ndalua Namazi i Xhumasë në Xhaminë ‘Imam Sadik’ në Diraz, Bahrejn

Pas vendimit  të regjimit të Bahrejnit për të parandaluar besimtarët muslimanë shiitë nga pjesëmarrja në Namazin e Xhumasë në Xhaminë e Imam Sadikut në fshatin veriperëndimor të Diraz-it, një numër i madh i njerëzve marshuan në këmbë në xhami për të shprehur zemërimin e tyre për këtë  vendim.

Forcat e sigurisë të Bahrejnit në Diraz i ndaluan besimtarët muslimanë shiitë të hyjnë në Xhaminë e Imam Sadikut për të falur Namazin e Xhumasë, sipas televizionit në gjuhën arabe Al-Manar TV

Pas kësaj lëvizje nga forcat e regjimit, një numër i madh i njerëzve  marshuan në xhami për të falur Namazin e Xhumasë.

Marshimi erdhi pasi imamët e namazit të xhumasë në Bahrejn  lëshuan deklarata ku u bëhet thirrje popullit nga të gjitha sferat e jetës për të marrë pjesë në Namazin e Xhumasë në të gjithë vendin. 

Bahrejni,  një aleat i ngushtë i Shteteve të Bashkuara të Amerikës në rajonin e Gjirit Persik, ka qenë dëshmitarë  i protestave pothuajse të përditshme kundër dinastisë në pushtet  të mbretit Al Khalifa që nga fillimi i vitit 2011, ku regjimi në Manama ka përdorur masa të rënda në një përpjekje për të shtypur demonstratat.

Rezultatet e dhunës në Bahrejn janë vrasjet dhe qindra të tjerë të plagosur dhe të arrestuar në goditjen e vazhdueshme të demonstratave paqësore.

Amnesty International dhe shumë organizata të tjera të të drejtave ndërkombëtare kanë kritikuar shpesh regjimin e Bahrejnit  për abuzime të të drejtave të njeriut dhe me abuzimet kundër grupeve opozitare dhe ndaj protestuesve kundër-regjimit.