Hassan Rouhani: Sanksionet kundër Iranit po shemben
Kryetari i Iranit Hassan Rouhani thotë se sanksionet e paligjshme të vendosura ndaj vendit tonë po shemben.
Rouhani tha në një intervistë të mërkuerë për transmetuesin kombëtar të
Iranit: Sot jemi dëshmitarë se prangat mizore që janë vendosur për të
kufizuar aktivitetet ekonomike të Iranit janë duke u thyer.
Ai tha: Kufizimet në ushqim
dhe në industrinë farmaceutike, industrinë e automobilëve, petrokimike, të
sigurimit anijeve dhe madje edhe sektorë
të tjerë, si ai bankar janë kufizuar.
Rouhani, gjithashtu, vuri në dukje
se një numër i madh i kompanive dhe investitorëve të huaj janë të prirur për të
investuar në ekonominë e Iranit.
Kreu i shtetit iranian më tej theksoi
se Teherani vlerëson lidhjet miqësore me fqinjët e tij dhe është i interesuar
në zhvillimin e marrëdhënieve të ngrohta me vende të tjera nëpër botë.
Ai, gjithashtu, përshëndeti marrëveshjen e përkohshme të programit bërthamor për energji të Iranit si një arritje e madhe e cila i ka ruajtur të drejtat të vendit. Në muajin e kaluar, Irani dhe pesë anëtarët e përhershëm të Këshillit të Sigurimit të Kombeve të Bashkuara - Rusia, Kina, Franca, Britania, dhe Shtetet e Bashkuara - plus Gjermania filluan të zbatojë marrëveshjen bërthamore të cilën e kishin nënshkruan në nëntorin e vitit të kaluar, në Gjenevë, Zvicër.
