Ushtria siriane bën përparime në qytetin kryesor të Halebit

    Ushtria siriane ka fituar më shumë terren në luftën kundër militantëve të përkrahur nga të huajt në qytetin verior të Halebit.

    Sipas Press TV, të dielën, ushtria arriti të merrte nën kontroll pjesën më të madhe të rrethit Karam al – Turab, në Halebin Lindor.

    Trupat siriane kanë nisur edhe operacione tjera për të marrë kontrollin në disa rrethe lindore dhe veriore, në një përpjekje për të rimarrë pjesë të të mëdha të qytetit.

    Në javët e fundit, ushtria siriane ka bërë përparime të mëdha në luftën e saj kundër grupeve të armatosura.

     Siria është kapluar nga trazirat vdekjepruese që nga viti 2011. Sipas njoftimeve, fuqitë perëndimore dhe aleatët e tyre rajonal - sidomos Katari, Arabia Saudite dhe Turqia - po mbështesin militantët që veprojnë brenda Sirisë.

     OKB ka thënë se më shumë se 100,000 njerëz janë vrarë dhe miliona të zhvendosur deri tani për shkak të trazirave në vend.

     OKB-së ka thënë më herët se më shumë se katër milionë sirianë do të jenë të detyruar të largohen nga shtëpitë e tyre në vitin 2014 nga konflikti i përshkallëzuar në vend.

     Një studim britanik i mbrojtjes, i publikuar në shtator të vitit të 2013,  nga IHS Jane -së tregoi se rreth 100,000 militantë, të ndarë në 1000 grupe, janë duke luftuar në Siri kundër qeverisë dhe popullit.