Veprat artistike iraniane janë mbresë-lënëse për evropianët

 Zëvendës-Ministri i Kulturës i Iranit për çështjet artistike ka thënë se veprat artistike iraniane janë mbresë-lënëse për vendet evropiane.

      Duke folur gjatë ceremonisë së hapjes së Festivalit të 6-të  Ndërkombëtar të Arteve Pamore në Teheran, të hënën, Ali Muradkhani tha se shumë vende evropiane kanë kërkuar për të vizituar ekspozitën  e  artistëve iranianë.

        Ne duhet të kemi pjesëmarrje aktive në të gjitha ngjarjet e artit në botë , tha ai dhe shtoi , Perëndimi ndjek artin Lindor në Kinë apo Indi, ndërsa qytetërimi i paraqitur nga Irani në botë është pothuajse i pashembullt.

    Për shkak të diplomacisë së fortë kulturore të Iranit, tani  ne gëzojmë një mundësi të favorshme dhe të përshtatshme për të marrë pjesë në arenën ndërkombëtare, tha ai.

     Mbi 900 vepra nga 800 artistë iranianë me vepra në pikturë, kaligrafi, dizajn grafik, skulpturë dhe disa forma të tjera të artit janë të ekspozuara në festival, i cili është aktualisht duke u zhvilluar në Akademinë e Arteve të Iranit në Teheran.

     Festivali ka shfaqur edhe vepra prej artistëve nga Turqia, Brazili,  Indonezia, Austria, India, Rusia, Greqia, Gjermania, Belgjika,  Australia, Libani, Malajzia dhe disa vende të tjera.

     Lisa Anderson nga Danimarka dhe Roger Mello nga Brazili janë përzgjedhur për seksionin ilustrues të festivalit.

     Felipe Taborda nga Brazili dhe Havier Bermudez nga Meksika janë anëtarë të jurisë  për seksionin poster dhe Muhittin Koroglu nga Turqia dhe Agim Sulaj nga Italia janë në juri për seksionin  e kartunave.

    Përveç këtyre, Jean Gaumy nga Franca është përzgjedhur për seksionin e fotografisë të festivalit, i cili do të mbahet në Teheran nga 3 deri më 24 shkurt 2014.