Erdogani i mbyll me forcë mediat turke.

Përmes një vendimi antikushtetues, një gjykatë turke ka sekuestruar asetet e gazetës “Zaman” dhe ka caktuar administrator shtetërorë për të menaxhuar gazetën.

Gazeta Zaman është gazeta e më e madhe turke me rreth 700 mijë shitje mesatare ditore, dhe media opozitare më e madhe në vend.

Kjo gazetë njihet edhe se është e afërt me lëvizjen Hizmet të klerikut Fethullah Gulen, i cili aktualisht jeton në mërgim në Shtetet e Bashkuara.

Edhe Bashkimi Europian dhe Stejt Departamenti amerikan kanë reaguar në lidhje me këtë vendim, duke e cilësuar si shqetësues për demokracinë.

Mediat franceze kanë reaguar pas mbylljes me forcë nga ana eErdogan të medias më të madhe opozitare në Turqi, gazetësZaman.

Ato e kanë quajtur si aktin e fundit të vendosjes së një shteti diktatorial në Turqi rastin e mbylles së gazetës “Zaman”.

Televizioni francez LCP ka botuar dhe karikaturën e ditës për këtë ngjarje duke pikturuar Presidentin e Turqisë Erdoganme një kovë me boje të kuqe që lyen logon e gazetës Zaman.

Sipas kushtetutës turke, në asnjë rast nuk lejohet sekuestrimi i asteve të mediave, kushdoqoftë ajo arsyeja.Ky nuk është vendimi i parë për sekuestrim mediash opozitare në Turqi. 

Ndërkohë, përmes një deklaratë për shtyp, gazeta “Zaman” deklaroi se vendi po shkonte drejt “ditëve më të errëta e më të zymta” sa i takon lirisë së shtypit.