Kryqi në Butel, parandalohet të ndërtohet përmes protestave

“Ne do të përpiqemi që të ndërmarrim të gjitha masat demokratike për ta parandaluar ndërtimin e këtij kryqi duke përfshirë ndoshta edhe organizimin e një referendumi të votuesve në Komunën e Butelit, ankesave pranë institucioneve përkatësve, përfshi edhe gjykatës administrative, për arsye se vendimi për të ndërtuar atë kryq është i padrejtë dhe cenon bashkëjetesën në Shkup”, u shpreh Artan Grubi, nga BDI.

Shefi i kabinetit të kryetarit të Bashkimit Demokratik për Integrim, Artan Grubi ka deklaruar se projekti për kryqin në Butel kërcënon bashkëjetesën në vend dhe paralajmëroi se këshilltarët e BDI-së në Komunën e Butelit do të luftojnë deri në fund për të parandaluar përfundimin e ndërtimit të tij.

Qindra qytetarë dhe funksionarë të Bashkimit Demokratik për Integrim dje dolën rrugëve të Çairit për të protestuar kundër ndërtimit të kryqit në Butel. Sipas kryesisë së BDI-së, vendosja e kryqit mund të ndikojë në prishjen e raporteve mes dy komuniteteve më të mëdha në Maqedoni, transmeton Aktuale.mk.

Ndërsa sot  dhjetëra të rinj, supozohet të jenë të nacionalitetit maqedonas kanë tentuar të thyejnë kordonin e policisë dhe të përleshen me palën tjetër.

Këta të fundit tanimë kanë vendosur tenda dhe po qëndrojnë aty që nga dita e djeshme.

Raportohet se policia ka bllokuar të gjitha hyrjet dhe daljet që çojn drejt vendit ku është paraparë vendosja e kryqit.

Policia deri më tani ka shmangur kontaktet mes palëve, derisa Kryetari i Komunës së Çairit, Izet Mexhiti ka bërë thirrje që protestuesit të qëndrojnë në tenda dhe të mos dalin në rrugë.