Seminari i dijetarëve shiitë-sunnitë u zhvillua në Quetta, Pakistan

Një numër i dijetarëve muslimanë  shiitë  dhe dijetarëve muslimanë sunnitë në një seminar në Quetta, Pakistan, theksuan rolin e rëndësishëm të udhëheqësve fetarë dhe intelektualëve në rritjen e Unitetit Islamik.

Me titullin  ”Nderi i Besimit të Mustafasë (a.s.)”  seminari u mbajt më 21 shkurt 2016 në  Hotelin Serena në Quetta, Pakistan.

Në program  morën pjesë edhe imamët e xhamive, përfaqësues të kuvendit krahinor dhe  të Senatit të Pakistanit, ligjërues  të seminarit dhe universitetit, studentë dhe qindra përfaqësues të partive të ndryshme politike dhe fetare të Pakistanit.

Domosdoshmëria e unitetit islamik dhe roli i dijetarëve në forcimin e unitetit, zgjidhja e problemeve në Botën Muslimane dhe mbrojtja e vlerave  njerëzore ishin temat kryesore të seminarit. 

Hafiz Hamdullah, përfaqësues i Xhemiat  Ulemave të Islamit dhe anëtar i Senatit të Pakistanit, paraqiti një fjalim në program, në të cilën ai vuri në dukje se mosmarrëveshja mes shkollave të ndryshme islame është e rrezikshme dhe duhet të zgjidhet nga  dijetarët e Umetit.

Ai gjithashtu theksoi se armiqtë e Islamit janë të frikësuar nga rritja dhe  përhapja e Islamit në Perëndim, kështu që  ata përpiqen me çdo mënyrë  të shtrembërojnë  imazhin e vërtetë të fesë Islame.