Akademia e Kur’anit dhe Sunnetit filloi në Gaza

Një akademi e Kur'anit të Shenjtë dhe Sunnetit të Pejgamberit, Muhammed (a.s.) ka filluar në Rripin e Gazës nga Qendra Dar-ul-Kur'an në enklavën bregdetare.

Zyrtari i lartë i Hamasit, Ismail Hanijeh dhe Drejtori i  Qendrës Dar-ul-Kur'an,  Abdul Rahman al-Xhemal ishin të pranishëm në ceremoninë e hapjes.

Ismail Hanijeh në një fjalim në ceremoninë e hapjes ka lavdëruar përpjekjet e aktivistëve të Kur’anit në Gaza, për të promovuar mësimin Kur'anin dhe Sunnetin dhe tha se populli palestinez është krenar për këto aktivitete.

Ai gjithashtu falënderoi zyrtarët e Qendrës Dar-ul-Kur'an për promovimin e mësimeve të Kur’anit.

Ismail Hanijeh bëri thirrje për formimin e një ushtrie të hafizëve të Kur'anit për çlirimin e Xhamisë al-Aksa dhe qytetin e shenjtë të Kudsit (Jerusalemit).

Çlirimi i Kudsit (Jerusalemit) dhe i Xhamisë al-Aksa është një objektiv i populli palestinez dhe bota pret që të materializohet, theksoi ai. 

Abdul Rahman al-Xhemal në fjalën e tij theksoi trendin në rritje të aktiviteteve dhe programeve të Qendrës Dar-ul-Kur'an  në Gaza, duke thënë se Qendra ka filluar një program për të mësuar Kur'anin përmendësh dhe këndimin e tij edhe jashtë Rripit të Gazës.

Ai shtoi se ka edhe programe Kur'anore  që janë duke u zhvilluar edhe për të verbërit dhe shurdhmemecët.