Papa: Muslimanët dhe të Krishterët janë vëllezër

Papa Françesku u takua të hënën me anëtarët e komunitetit musliman në Republikën e Afrikës Qendrore, e cila është famëkeqe për dhunës sektare dhe mizorive kundër pakicave muslimane.

Papa Françesku ka thënë para turmave që u mblodhën në xhaminë kryesore të kryeqytetit të Republikës së Afrikës Qendrore, se muslimanët dhe të krishterët janë vëllezër, dhe duhet të jetojë si të tillë.

Në një udhëtim të rrallë në lagjen e njohur si e paqëndrueshme PK5, Papa kujton se si të krishterët dhe muslimanët kishin jetuar kohë të gjatë së bashku në mënyrë paqësore në Bangui.

Të dielën, Papa Françesku u bëri thirrje atyre që përdorin armë për të hedhur poshtë këto armë vdekjeprurëse.

Më parë, Papa bëri thirrje për unitet dhe dallimet fetare të mos lejojnë që njerëzit të përçahen.

Në fjalëne tij në pallatin presidencial në Bangui, Papa Françesku tha se ai shpreson se zgjedhjet e ardhshme do të lejojnë vendin që të nisë qetësisht  një kapitull të ri të historisë së saj.

Dhuna ka detyruar shumicën e muslimanëve të kryeqytetit prej 122.000  të ikin, tani në kryeqytet kanë mbetur vetëm 15.000 musliman.

Papa Françesku ka këmbëngulur që të vizitojë lagjet për të apeluar për paqe pavarësisht shqetësimeve të sigurisë.