Organizatat e bastisura, përfundimisht mbyllen nga shteti

Me 24 nëntor Ministri i Punëve të Brendshme të Kosovës  ztr. Skender Husejni, me anë të një vendimi ekzekutiv ka shfuqizuar lejet e për 16 organizata joqeveritare  në Kosovë, ndërsa sot në mënyrë zyrtare ka treguar edhe emrat e këtyre 16 OJQ-ve.

 

Plotë 16 organizata jo qeveritare, që me vite të tëra kanë vepruar në Kosovë, këto ditë janë mbyllur përfundimisht nga shteti. Këto organizata u mbyllën për arsye se ishin të përfshira në aktivitete të rekrutimit të luftëtarëve për ISIS, financimin e aktiviteteve ekstremiste si dhe përhapjen e propagandës në mbështetje të aktiviteteve ekstremiste

 

Atëherë shteti pati vendosur ta pezulloj punën e këtyre 14 OJQ-ve, për një vit, ashtu siç e parasheh edhe ligji. Madje mbyllja e tyre pasoi pas arrestimit të 40 të dyshuarve për terrorizëm nga një grup prej 57 të dyshuarish.

 

Ministria e Punëve të Brendshme kësaj radhe vendosi të mbyll përfundimisht aktivitetet e të gjitha formave për 16 organizatat joqeveritare që vepronin, siç thuhet në komunikatën e kësaj ministrie nën petkun e kinse organizatave me karakter humanitar.

Gazeta Express ka mësuar emrat e organizatave, aktiviteti i të cilave tashmë është shuar.

Bëhet fjalë për organizatat:

 

 “Sinqeriteti” nga Prizreni,

 “Rinia Istogase” nga Istogu,

 “Pema e Bamirësisë” nga Peja,

 “Parimi” nga Kaçaniku,

 “Njëshmëria” nga Gjilani,

 “KAD” në Podujevë,

“Gjurma”,

 “Nektari-HE”,

 “Kalliri i Mirësisë”,

 “Çelësi”,

 “Al Waqf Al Islami”,

 “Argumenti”,

 “AKEA” etj.

 

Deri më tani, që nga mbyllja e tyre, nuk ka pasur ndonjë reagim zyrtar nga udhëheqës të këtyre organizatave./ raporton Gazeta Fjala.