Pendohet ish luftëtari kosovar i ISIS-it në Siri

Një 30 vjeçar anonim i cili është kthyer  nga  lufta e Sirisë ende nuk e dinë se çfarë e pret në vendlindjen e tij në Kosovë, mirëpo sipas fjalëve të tija, ai nuk i frikohet asgjëje në krahasim me përjetimet e tij që i ka pasur në mesin e luftëtarëve dhe luftës të gërditshme të ISIS-it.

Ish luftëtari “muxhahidi” i ISIS-it ka arritur të largohet nga rradhët e Isis-it në Siri ”Ai thotë se është ndikuar nga propaganda virtuale, por tani është penduar për atë që ka bërë. Gjithashtu ai  tregon se me të arritur në Siri e kishte vërejtur se diçka nuk është në rregull dhe nuk e gjeti kauzën për të cilën u nis. E pa që atje po zhvillohej një luftë tjetër, ajo mes grupeve të ndryshme që zakonisht synojnë shtimin e kontrollit në zona.

Ish luftëtari i Isis-it tani më gjendet në Kosovë, përkundër asaj që nuk e mban mjekrën e zakonshme të luftëtarëve të Isisi-it, ai edhe heziton të tregoj emrat e hoxhallarëve shqiptarë të cilët kanë ndikuar me ligjëratat e tyre nëpër xhamia dhe në internet.  Por ai me një të folme shumë të frikshme thotë se  “ unë u nisa në Siri që të mbrojë civilët, gratë dhe fëmijët, imazhet e të cilëve i shihja çdo ditë nëpër faqet e internetit.

Ish luftëtari i ISIS-it nuk pranon të japë asnjë detaj rreth organizimit të udhëtimit të tij nga Kosova dhe nuk pranon të tregojë nëse para se të nisej kishte dëgjuar ligjërata nga persona të caktuar në ambiente të caktuar.

Ish luftëtari ishte viktimë e propagandës virtuale të hoxhallarëve në Kosovë e Shqipëri, ai  ka gjendje të vështirë sociale në Kosovë, e mbi të gjitha ende nuk e dinë se çfarë do të ndodhë me fatin e tij, pasi që në Ligjet e Kosovës kundër terrorizmit këta persona të kthyera nga luftërat e Lindje duhet të arrestohen apo ndoshta edhe mund të ndryshojnë ligjet , duhet të trajtohen që mos ta sjellin ato ndjenja urrejtje nga luftëra dhe të mos organizohen për të bërë probleme të njëjta kamikaze brenda në Kosovë.