Forcat izraelite e sulmuan Xhaminë el-Aksa, përleshen me palestinezët

Forcat izraelite kanë sulmuar edhe një herë kompleksin e Xhamisë Al-Aksa, në Jerusalem apo al-Kuds (Jerusalem) dhe u përleshën me besimtarët  palestinezë atje.

Përleshjet shpërthyen të dielën me forcat izraelite që përdorën gaz lotsjellës për të shpërndarë palestinezët. Tre vetë u plagosën në këtë incident.

Përleshjet ndodhën ndërsa izraelitët po festonin  Rosh Hashanah, apo  Vitin e Ri hebre. Regjimi izraelit zakonisht imponon kufizime në qasjen  e besimtarëve muslimanë në xhaminë Al-Aksa në ditët e para të festës Rosh Hashanah.

Xhamia al-Aksa në Jerusalem,  e cila nderohet gjerësisht nga muslimanët, ka qenë skenë e përleshjeve midis palestinezëve dhe kolonëve izraelitë dhe trupave ushtarake-policore në javët e fundit.

Në fillim të muajit shtator, forcat izraelite sulmuan një grup të femrave, grave palestineze që kërkonin për të hyrë në xhami.     

Thuhet se forcat izraelite gjatë sulmit u përpoqën për të kapur një grua të re, por besimtarët palestinezë e zbrapsën sulmin e izraelitëve.

Palestinezët thonë se Tel Avivi  është duke planifikuar për të ndryshuar status quo-në  në Jerusalem, el Kuds, dhe për të judaizuar qytetin.

Kompleksi  i Xhamisë  Al-Aksa, është nën pushtimin e Izraelit, në qytetin e vjetër të Jerusalemit, të al-Kudsit, që është një vend i shenjtë Islam.

Xhamia al-Aksa është vend i tretë i shenjtë i Islamit pas Xhamisë (Mesxhid) el-Haram në Mekë dhe Xhamisë së Pejgamberit (a.s.) apo  (Masxhid ) al-Nabavi në Medine, në Arabinë  Saudite.