Shqiptarët protestojnë , Serbët festojnë

Media e Lirë- Gjersa ishim nën sundimin  Serbisë në ish Jugosllavi,  deshëm s’deshëm festonim së bashku të gjitha festat komuniste,  dhe në çdo festim e tubim brohorisnim  “Vëllazërim e  Bashkim”, ndërsa  sot po ndodhë e kundërta,  në të mire të Serbëve po nënshkruhen  marrëveshjet pa qenë  e pëlqimit shoqëria shqiptare,  e më e keqja e kësaj  pa qenë i njoftuar se për çka po bëhet fjalë e çka po nënshkruhet.  Ndërsa sot dy nacionalitet e  të njëjtit shtet, shumica proteston e pakica feston.

Sipas medieve të shkruara serbe që kanë informuar popullin e tyre pik për pikë se për çfarë bëhej fjalë dhe çfarë nënshkruhet, ishte e udhës të kremtohet, ndërsa shqiptarët të rrinë para ekraneve të revoltuar me padrejtësitë që po i bëhet Kosovës edhe  gjatë luftës edhe tani në liri e demokraci.

Ja se pse kanë arsye të festojë, tani do ti cekim disa pika të Nënshkrimit të marrëveshjes për asociacionin.

·         Asociacioni i komunave me shumicë serbe do të jetë në përputhje me Kushtetutën e Republikës së Kosovës.

·         Asociacioni nuk do t’i nënshtrohet detyrimeve të caktuara tatimore dhe obligimeve të ngjashme që mund të ndikojnë në funksionimin e tij.

·         Punonjësit në administratën e Asociacionit do të gëzojnë statusin e njëjtë me atë të punësuar në institucionet e tjera publike.

·          Asociacioni do të jetë garanci për mbrojtjen e të drejtave të serbëve dhe forcimin ekonomik të serbëve në Kosovë.

·         Qytetarët serbë të Kosovës do të vendosin për çështjet që kanë të bëjnë me Asociacionin.

·         Gjithashtu,është vendosur një kornizë përmes së cilës Asociacioni do t’i zbatojë detyrat dhe përgjegjësitë e tij, e posaçërisht ato në fushat e shëndetësisë, arsimit, zhvillimit ekonomik dhe planifikimit hapësinor, transmeton reporteri.

·         Asociacioni do t’i përfaqësojë, kudo, interesat e komunave me shumicë serbe dhe popullsisë.

·         Më tej, thuhet se Asociacioni do të ketë një lloj parlamenti që do të votojë statutin dhe që do t’i ndërmarrë të gjitha vendimet administrative.

·         Në tekst thuhet se Asociacioni do të ketë përfaqësuesin e tij që do të përfaqësojë këtë trup kudo.

·          Asociacioni do të përbëhet nga 30 pjesëtarë nga radhët e përfaqësuesve më të shquar politikë të popullit serb dhe Kishës Ortodokse Serbë në Kosovë dhe se këshilli, i ndihmuar nga administrate e Asociacionit, do të jetë përgjegjës për zbatimin e suksesshëm të detyrave ditore.

·         Asociacionit i është njohur e drejta që të financohet drejtpërdrejtë edhe nga qeveria serbe.