Marrëveshja e Ohrit nuk tregoi suksese

Media e Lirë - Nëse krahasojmë gjendjen momentale të Maqedonisë, del në pah se Marrëveshja e Ohrit nuk ka treguar suksese të dukshme, prandaj sipas disa analizave, Maqedonisë më shumë i përkon që të shpallet shtet binacional.

 Zijadin Sela , përfaqësues i subjektit politik “Lëvizje për Reforma” në PDSH theksoi se Maqedonia duhet të shpallet shtet binacional, dhe në vend të Marrëveshjes së Ohrit, duhet një marrëveshje e re. Sela theksoi madje se Marrëveshja e Ohrit ka qenë e pasuksesshme, pikërisht për shkak se nuk i korri rezultatet e pritura.

“Duhet të ketë marrëveshje të re, sepse nuk duhet më, një marrëveshje e cila nuk respektohen, dhe për të cilën, institucionet nuk kanë as dokumentin origjinal që t’i përmbahet. Duhet një marrëveshje e re me të cilën Maqedonia të shpallej shtet binacional, ose bilinguale, pra e shqiptarëve dhe maqedonasve, dhe ndarje buxheti në nivel lokal, e jo si tani, i centralizuar”, deklaroi Zijadin Sela, Kryetar i Lëvizjes për Reforma në PDSH.

Maqedonia gjithashtu ndien krizë politike, prandaj raportet tregojnë se asnjë krizë maqedonase nuk mund të zgjidhet pa ndihmë të ndërkombëtarëve. Ndersa disa lider partiak mendojnë se Maqedonia mundi që edhe pa ndihmë të huaj ta zgjedhë krizën. Por, vetëm ka munguar vullneti tek politikanët. Ja siq mendojnë disa analist.

“Mundeshim. Edhe bashkësia ndërkombëtare na lejoi dhe na dha hapësirë vetë ta zgjedhim krizën. Tani kriza është shumë më ndryshe se në vitin 2001, por prapë se prap nuk ka vullnet të mjaftueshëm politik”, tha Malinka Ristevska Jordanova nga Instituti për politikë europiane. 

Ndërkaq ish-ambasadori i BE-së, Fuere thotë se”Nuk është hera e parë që ky vend nuk mund t’i zgjedhë vet problemet e veta. “

“Fatkeqësisht, siç e pamë në vitet e fundit, lidershipi nuk ka mundur të ballafaqohet me krizën. Kjo nuk është kriza e parë. Kishte kriza për shumë vite, kurse faji për me zgjidhjene krizës është në lidershipin politik në Maqedoni”, tha Fuere