Shqetësimet e SHBA-ve për el-Kaiden...
Zyrtarët kanë frikë se qytetarët amerikanë mund të rekrutohen nga grupe të lidhur me el-Kaidën në Siri.
Qeveria e SHBA-ve po
rrit përpjekjet e saj online për të parandaluar grupet terroriste nga rekrutimi
i amerikanëve dhe të evropianëve nga grupet e el-Kaidës me bazë në Lindjen e
Mesme, që kanë filluar lëshimin e
mesazheve online dhe në revista në gjuhën angleze për të absorbuar
perëndimorët.
Zyrtarët amerikanë të zbulimit
thonë se dhjetëra amerikanë kanë
udhëtuar apo janë përpjekur për të udhëtuar në Siri, ku forcat qeveritare dhe
kryengritësit janë duke luftuar me njëri-tjetrin që nga viti 2011.
Zyrtarët kanë frikë se qytetarët
amerikanë mund të rekrutohen nga grupe të lidhur me el-Kaidën në Siri.
Departamenti i Shtetit i SHBA-ve pranoi
se programi i tij i ri është një program i cili përballet me një grumbull të
madh të faqeve në gjuhën angleze, Twitter, YouTube dhe në Facebook që grupet e dhunëshme
ekstremiste i kanë themeluar kryesisht pa vështirësi, në vitet e fundit.
