Bahrejni mbylli Kanalin e Ri të Lajmeve, pronë e Princit Al-Velid bin Talal nga Arabia Saudite

Bahrejni njoftoi mbylljen e një kanali të ri të lajmeve pan-arabe në pronësi të miliarderit saudit, Princit Al-Velid bin Talal, më pak se dhjetë ditë pas fillimit të tij.

Kështu u vendos për të ndaluar aktivitetet e Alarab-is, sepse kanali nuk ka marrë lejen e nevojshme, tha të hënën në një deklaratë  Autoriteti  i Çështjeve të Informacionit të Bahrejnit.

Nisur më 1 shkurt 2015,  Kanali i Lajmeve Alarab (Alarab News Channel) kishte program vetëm disa orë para se programimi i saj u ndërpre pas transmetimit të një interviste me një politikan të opozitës së Bahrejnit. Pastaj u rikthye në materiale promovuese. 

Intervista me një musliman shi’it, kundërshtar i sundimtarëve musliman sunnitë të mbretërisë së Gjirit, thuhet se ngjalli zemërim në qarqet e larta të vendit.

Derisa vetëm pas orës 12.00, të hënën, Kanali i Lajmve Alarab transmetoi një mesazh që programi ishte ndërprerë për arsye teknike dhe administrative, dhe se do të kthehet së shpejti, me vullnetin e Zotit.

Por rreth orës 12:04 materiali promovues u ndal dhe në ekran shfaqet vetëm logoja e gjelbër dhe e bardhë  e Alarab-isë.

Miliarderi Alvelid bin Talal, një anëtar i familjes mbretërore saudite dhe një nip i Mbretit Abdullah, i cili vdiq më 23 janar 2015, do të thoshte se me nisjen e Alarab News Channel ka për të rivalizuar Al -Arabiya e Dubait dhe Al Jazeera-n e Katarit në gjuhën arabe.