Lëvizja e ISIL-it në Irak është tregues i dështimit të tij në Siri

    Aktivitetet terroriste të Shtetit Islamik të Irakut dhe Levantit (ISIL) në Irak tregojnë humbjen e grupit në Siri, tha një anëtar i Kuvendit të Iranit.

    Muhammed Saleh Xhukar, anëtar i Komisionit për Politikë të Jashtme dhe Siguri  Kombëtare në Kuvendin e Iranit, i tha Agjensisë së Lajmeve Tasnim se veprimet ISIL-it në Irak demonstrojnë dështimin e tyre në Siri dhe përkrahësëve të tij.

     Ai theksoi se populli dhe ushtria e Irakut do t'i japë fund aktiviteteve terroriste të ISIL-it.

     Me 10 qershor 2014, Provinca veriore e Ninive në Irak ra në duart e militantëve të grupit militant ekstremist.

    Sulmet e terroristëve thuhet se kanë detyruar më shumë se gjysmë milion njerëz në dhe rreth Mosul, kryeqyteti i Provincës Ninive, të largohen nga shtëpitë e tyre.

    Militantët ekstremistë, tekfiristë janë betuar të marshojnë drejt kryeqytetit, Bagdad.

    Ata thuhet se kanë hyrë në Irak nga Siria dhe Arabia Saudite fqinje për të minuar sigurinë në vend.

    Muhammed Saleh Xhukar tha se rezultati i zgjedhjeve presidenciale në Siri ishte një humbje e madhe për Arabinë Saudite dhe vendet e tjera të akuzuara për sponsorizimin e terrorizmit dhe kjo është arsyeja pse këto vende tani janë duke kërkuar për të destabilizuar Irakun.

    Por do të vijë një ditë kur këto vende do të kërkojnë prej organeve ndërkombëtare ndihmë për të hequr qafe ISIL-in , përfundoi ai.

     Sirianët dolën në votime në një numër të madh më 3 qershor 2014 dhe rizgjodhën Bashar al-Assadin për kryetar të vendit.

Basha al-Assadi ka siguruar 88.7 për qind të votave të hedhura në kutitë e votimit gjatë zgjedhjeve, që u mbajtën në zonat e kontrolluara nga qeveria, duke mbuluar rreth 80% të territorit.