Papa Françesku në Shqipëri

Sipas Radio Vatikanit, Papa Françesku ka pranuar ftesën për të vizituar Shqipërinë, qëllimi i vizitës është: ”Për të përforcuar në fe Kishën e për të inkurajuar vendin e vuajtur nga ideologjitë e së kaluarës.”

    Për më tepër, Papa Fraçesku tha:

   “Me kënaqësi ju njoftoj se, duke pranuar ftesën e Ipeshkvijve dhe të Autoriteteve shtetërore të Shqipërisë, dëshiroj të shkoj në Tiranë, të dielen, më 21 shtator 2014. Me këtë shtegtim të shkurtër dua të përforcoj në fe Kishën e Shqipërisë dhe t’i dëshmoj ikurajimin tim një vendi, që vuajti gjatë, si pasojë e ideologjive të së kaluarës”.

    Njoftim historik, që e dha vetë Papa sot, në lutjen e Engjëllit të Tënzot, në Sheshin e Shën Pjetrit; hap i parë i shtegtimit shqiptar të Françeskut, Papa i dytë që do të shkelë në trojet shqiptare, pas një Shenjti: Gjon Palit II, më 25 prill 1991.

    Kujtojmë se ky është shtegtimi i parë i Papës Françesku në një vend evropian e ballkanik: ndërmjet sa e sa vendeve, që e kanë ftuar e vijojnë ta ftojnë, Papa zgjodhi pikërisht trojet shqiptare, sepse, siç e thekson ai vetë në njoftimin e sotëm, ndër më të vuajturat e edhe ndër më të mbruajturat me gjak martirësh, që dhanë jetën për fe, për liri, për demokraci, për bashkëjetesë shembullore paqësore.

     Më 15 qeshoe 2014, n’ora 13.00 në Tiranë u mbajt një konferenvcë shtypi, gjatë së cilës Nunci Apostolik në Shqipëri, imzot Ramiro Molinar Ingles, kryeipeshkvi metropolit i Tiranë- Durrësit, imzot Rrok Mirdita dhe drejtori i përgjithshëm i Karitasit, Albert Nikolla lajmëruan për vizitën e Papës Françesku në Shqipëri, më 21 shtator të këtij viti.

    Ati i Shenjtë e ka zgjedhur Shqipërinë, si vend i martirëve të fesë e si vend, ku ekziston një bashkëjetesë fetare e admirueshme, shkruhet në komunikatën për shtyp. Programi i vizitës një-ditore do të jepet më vonë.

     Për mënyrën si e priti shtypi, por edhe populli shqiptar në përgjithësi lajmin e kësaj vizite, don Gjergj Metën, përgjegjës i ipeshkvijve për marrëdhëniet me shtypin gjatë përgatitjes dhe gjatë vizitës së Papës Françesku në Tiranë tha: “Papa në Shqipëri vjen për gjithë popullin shqiptar.

Papa në Shqipëri, për periferitë e dialogun

     “Lajm shumë i bukur. Papa zgjedh Shqipërinë , shkon drejt periferive, drejt të varfërve e do të kontribuojë në dialogun ndërfetar dhe ekumenik”. Kështu tha sot drejtori i Sallës së Shtypit të Vatikanit, atë Federiko Lombardi, në bisedë me gazetarët, duke vënë në dukje se për udhëtimin e tij të parë evropian, jo italian, Papa Françesku zgjodhi Shqipërinë.

     Ka një ftesë nga ana e ipeshkvijve dhe nga ana e autoriteteve, komentoi zëdhënësi i Vatikanit, “ka një perspektivë pozitive dhe inkurajuese”. Në Shqipëri, sqaroi më tej atë Lombardi, katolikët janë pakicë, por emri i këtij vendi të sjell ndërmend persekutimet dhe idenë e ndërtimit të shtetit të vetëm ateist në botë. Gjithashtu, Shqipëria është atdheu i Nënë Terezës, konsideruar shqiptarja më e madhe e shekullit të kaluar, aq sa urdhëri i nderit më i lartë shqiptar mban emrin e saj. Këto janë arsyet e vizitës së Papës Françesku, pas vizitës së një shenjti, atë të Gjon Palit II, më 25 prill 1993, menjëherë pas rënies së komunizmit.