Nëse muslimanët i përmbahen Kur’anit, Bota Islame do të jetë dëshmitare e një përparimi të jashtëzakonshëm

Nëse muslimanët në vende të ndryshme braktisin grindjet dhe kapen  për litarin e  Allahut, domethënë për Kur’anin e Shenjtë,  Bota Islame   do të jetë dëshmitare e një përparimi të jashtëzakonshëm në fusha të ndryshme, tha një hafiz i Kur’anit nga Uganda.

     Abdul Basit Muhammed Abdi, i cili përfaqëson vendin e tij, Ugandën, në Konkursin, Garat e 31 Ndërkombëtare të Kur’anit të Shenjtë në  Republikës Islamike të Iranit, tha se muslimanët duhet të kuptojnë se  të gjithë ata që besojnë në Kur’anin e Shenjtë  duhet të pranojnë se aty është themeli i Bashkimit Islamik.

      Ai më tej i referohet rolit të Iranit në promovimin e Kulturës Kur'anore dhe tha se organizimi i Konkursit Ndërkombëtar Kur'anor është një tregues i përpjekjeve të suksesshme Kur'anore i Republikës Islamike të Iranit.

    Abdul Basit Muhammed Abdi, gjithashtu, theksoi pjesëmarrjen entuziaste nga populli i Iranit në këtë ngjarje madhështore.

      I pyetur rreth panelit të jurisë së konkursit, ai tha se prania e mjeshtërve të mëdhenj si Shejh Ahmed Noaina dhe Ahmed Basyuni, së bashku me ekspertë të lartë iranian të Kur'anit në panelin e jurisë e ka bërë atë një nga më të mirat në garat botërore muslimane Kur'anore në drejtim të ekspertizës dhe paanshmërisë.

     Në vende të tjera, në fjalën e tij, hafizi i Kur’anit nga Uganda, Abdul Basit Muhammed Abdi, ka shprehur nderimin e tij për themeluesin e  Republikës Islamike të Iranit, Imam Humeinin (r.a.)

     Konkurenti nga Uganda në Konkurencën Ndërkombëtare  Kur'anore të Republikës Islamike  e përshkroi Iranin si vendi i Islamit dhe Kur’anit.

      Edicioni i 31-të i Konkursit Ndërkombëtar i Kur'anit të Shenjtë filloi në Teheran, Iran, të hënën.

     Morrën pjesë 120 këndues dhe hafizë të Kur’anit të cilët përfaqësuan më shumë se 70 shtete në këtë Konkurs Ndërkombëtar që do të zgjasë deri më 2 qershor 2014.

     Konkursi Ndërkombëtar  i Kur’anit është organizuar nga  Organizata e Çështjeve Fetare dhe Bamirësisë dhe qëllimi kryesor është për të inkurajuar publikun për të lexuar Kur'anin e Shenjtë dhe për të vepruar sipas mësimeve të Kur'anit të Shenjtë.

     Në margjinat e konkursit të këtij viti, në një ekspozitë Kur'anore janë  duke u paraqitur rreth 60 stenda, vitrina, me veprat Kur'anore dhe produkte të ndryshme.