Sot fillojnë garat ndërkombëtare për Kur’anin në Teheran

Ceremonia e hapjes së Garave të 31 Ndërkombëtare të Kur'anit të Shenjtë në  Republikës Islamike të Iranit do të mbahet në Teheran sot, këtë pasdite.

      Në këtë ceremoni do të marrin pjesë zyrtarë të lartë, si dhe figura të shquara, dijetarë, studiues dhe hulumtues të ndryshëm që fillon pasdite në Sallën e Konferencave në Teheran.

       Përfaqësuesit e 70 shteteve marrin pjesë në këtë edicion të ngjarjes vjetore Kur'anore, e cila është planifikuar të vazhdojë deri më 2 qershor 2014.  

       Një komision prej 15 anëtarëve, përfshirë pesë nga Irani dhe dhjetë  mjeshtër mysafirë do të vlerësojnë aftësitë e secilit garues.  

     Garat e Kur’anit janë vjetore dhe zhvillohen, organizohen nga  Organizata  e Çështjeve Fetare dhe të Bamirësisë  dhe qëllimi është për të inkurajuar publikun për të lexuar Kur'anin e Shenjtë dhe për të vepruar sipas mësimeve të Kur'anit të Shenjtë.

      Në margjinat e Garave Gur’anore të këtij viti, është edhe një Ekspozitë Kur'anore, ku do të paraqiten punime dhe prodhime që kanë të bëjnë me Kur’anin e Shenjtë.