E enjte, 1 tetor 2026
Media e Lire

Lajme nga Bota për ju

Spor

Brazili mobilizon Forcën e Sigurisë me 157.000 ushtarë dhe policë për Kupën e Botës

2 min lexim

 Brazili tha se po mobilizon 157.000 ushtarë dhe policë për të garantuar sigurinë gjatë Kupës së Botës, që fillon me 12 qershor 2014, nën kushte të vështira, me protesta të dhunshme dhe greva.


     Ministria e Mbrojtjes tha se do të sigurojë personel  prej 157.000 trupave të marinës, të ushtrisë dhe të forcës ajrore për ngjarjen, duke përfshirë trupa speciale prej 21.000 anëtarëve të cilët do të jenë në  gjendje gatishmërie për situata që kërkojnë ndërhyrje të menjëhershme.


    Ministria ka investuar 709.000.000 reais ( $ 322.000.000 dollar) që nga viti 2012 për modernizimin e forcave të saj dhe përgatitjen e tyre për Kupën e Botës  që fillon me 12 qershor dhe përfundon me 13 korrik 2014, njoftoi  agjencia AFP.


     Ministri i Drejtësisë, Jose Eduardo Cardozo tha se ai nuk beson se  demonstratat, protestat dhe grevat në të gjithë Brazilin do të shkallëzohet në nivelin e protestave që shpërthyen në Brazil në vitin e kaluar gjatë Kupës së Konfederatave, një sprovë për Kupës së Botës.


      Këto protesta tërhoqën një milion njerëz në rrugë dhe u bënë të dhunshme, gjë që i turpëroi organizatorët e turneut.


     Ndjenja jonë është se ( protestat ) do të jenë më të vogla se ato të qershorit të vitit kaluar. Por, ju them sinqerisht, ne jemi të përgatitur për çdo situatë, u tha Cardozo gazetarëve në një konferencë të përbashkët shtypi me Ministrin e Mbrojtjes, Celso Amorim.


     Protestuesit janë të zemëruar lidhur këtë ngjarje të futbollit sepse  më shumë se $ 11.000.000.000 dollar janë duke u shpenzuar për Kupën e Botës në një vend me pabarazi të dukshme dhe me nevoja të mëdha në arsim, kujdes shëndetësor, strehim dhe transport.


      Forcat e sigurisë do të përhapen në mesin e 12 qyteteve mikpritëse dhe kryeqytetet e shtetit Vitoria, Aracaju dhe Maceió, të cilat do të kenë të gjitha kampet bazë për ekipet që luajnë në turne.


     Ushtria do të bashkëpunojë edhe me policinë për të siguruar kufinjt e Brazilit prej 16.800 kilometra gjatësi, të këtij shteti të madh në Amerikën së Jugut.