45 Shtete do të marrin pjesë në Marshimin Global në Jerusalem

Dr. Ahmed Abu Halabija, kryetari i Komitetit të Jeruzalemit në Këshillin Legjislativ Palestinez, konfirmoi se më shumë se 45  shtete  do të marrin pjesë në Marshimin Global në Jeruzalem ( GMJ ) më 6 qershor 2014, në përvjetorin e 46 të pushtimit të Jerusalemit nga Izraeli.

     Ebu Halabija tha se përgatitjet për Marshimin Global në Jerusalem kanë përfunduar me pjesëmarrjen arabe, islame dhe evropiane për të aktivizuar përkrahjen e popujve për Jerusalemin dhe Xhaminë  el-Aksa në dritën e mungesës së mbështetjes zyrtare arabe.

      “Jerusalemi po përballet me sulme të vazhdueshme nga ana e regjimit cionist, i cila është duke u përpjekur për të Judaizuar  Jerusalemin dhe të fshijë identitetin e tij arab, islamik”, tha ai.

    Sipas Dr Ahmed Abu Halabija, kryetari i Komitetit të Jeruzalemit në Këshillin Legjislativ Palestinez, Marshimi Global në Jerusalem do të zhvillohet në të gjithë Rripin e Gazës,  në Bregun Perëndimor,  në teritoret e pushtuara në vitin 1948, që përkon me marshime në mesin e shumë vende të botës.

       Një marshim masiv është planifikuar të organizohet në Rripin e Gazës në prani të aktivistëve të huaj dhe shoqatave të Turqisë dhe të Malajzisë.

    Në Jordani dhe Liban, demonstruesit do të marshojnë në mënyrë paqësore sa më afër Jeruzalemit. Praktikat si gërmimi i tuneleve nën xhaminë Al Aksa, me qëllim, për të minuar themelet që të rrënohet, kjo paraqet përpjekjet për të hapur rrugën për ndërtimin e një tempull izraelit në vendin e xhamisë el- Aksa, vuri në dukje dr.  Ahmed Abu Halabija.