U hap xhamia e parë në rajonin e Baskisë në Francë

Xhamia e parë në rajonin Baskisë Veriore në Francë u përurua të dielen, më 4 maj 2014.

     Hapja e xhamisë ka filluar në qytetin e Bajonne me një ceremoni të ndjekur nga zyrtarë lokalë dhe përfaqësues të institucioneve islame të Francës, kështu raportohet në faqen e internetit desdomesetdesminarets.

      Ndërtimi i xhamisë kishte filluar në vitin 2008 nga Shoqëria Kulturore e rajonit Bask të Myslimanëve.

      E ndërtuar mbi një sipërfaqe prej 2000- metra katrorë, xhamia ka dy salla - një për namaz për burra dhe një për gratë - dhe mund të strehojë 300 besimtarë.

     Xhamia, gjithashtu, përfshin një sallë për konferenca, një bibliotekë, një minare të gjatë dhe klasa për mbajtjen e kurseve për gjuhën arabe, për mësimin e leximit të Kur’anit,  për mësimin përmendësh të Kur’anit.

     Ndërtimi i xhamisë ka kushtuar rreth 700,000 euro.

Grupet anti – islame e kanë kundërshtuar ndërtimin e xhamisë dhe kanë mbajtur protesta të shumta për të penguar ndërtimin e saj, por nuk arritën. Besimtarët myslimanë arritën të sigurojnë dokumentet e kërkuara nga komuna dhe siguruan lejen për ndërtim.

   Franca është shtëpia e rreth 6 milion muslimanëve dhe ka pakicën më të madhe myslimane në Evropën Perëndimore.