Mbi 20 militantë gjermanë janë vrarë në Siri

Më shumë se 20 militantë gjermanë janë vrarë që nga fillimi i luftës në Siri, thotë një zyrtar gjerman.  

    Hans - Georg Maasen, Kryetari i Zyrës Federale të Gjermanisë për Mbrojtjen e Kushtetutës, në një intervistë për revistën e përjavshme  gjermane Fokus tha se më shumë se 20 nënshtetas gjermanë, të cilët u bashkuan me militantët që veprojnë në Siri, janë vrarë.

   Hans - Georg Maasen, tha se shumica e nënshtetasve gjermanë i përkasin grupeve ekstremiste selefi, duke thënë se numri i ekstremistëve në Gjermani ka tejkaluar numrin gjashtë mijë.

    Maasen paralajmëroi, gjithashtu, se ekstremistët  me kthinin e tyre do të përbëjnë një kërcënim të madh për Gjermaninë. Maasen theksoi se disa nga ekstremistët janë ushtruar me trajnime ushtarake e terroriste dhe ishin përgatitur për të kryer operacione të dhunshme. 

    Lufta në Siri ka filluar në muajin mars të vitit 2011 kur protestat pro - reformës u kthyen në një kryengritje masive pas ndërhyrjes së shteteve perëndimore dhe rajonale.  

    Trazirat grumbulluan grupet terroriste nga e gjithë Europa, Lindja e Mesme dhe Afrika e Veriut dhe u kthye në një nga konfliktet më të përgjakshme në historinë e kohëve të fundit.