Ministri i Kulturës i Iranit: Libri, nëna e të gjitha kombeve

Ministri i Kulturës i Iranit e përshkroi  librin si nëna e të gjitha kombeve, duke thënë se librat krijojnë lidhje të thella midis kombeve dhe qeverive.

Të gjitha pjesët e kulturës së një kombi janë rrënjosur në librat, tha Abbas Salehi të martën në një fjalim drejtuar ceremonisë së hapjes së Panairit të 31-të  Ndërkombëtar të Librit  të Teheranit që po zhvillohet në kryeqytetin e Iranit.

Duke folur për arritjet kulturore të Iranit të fituara pas Revolucionit Islamik të vitit 1979, ministri tha se rreth katër milionë e 230 mijë tituj librash janë botuar në Iran gjatë katër dekadave të fundit.

Librat janë burimi i lëvizjeve që zhvillojnë qytetërimin e kombeve, tha ministri iranian duke e përshkruar librin si një trashëgim të pavdekshëm.

Panairi  Ndërkombëtar  i Librit, Teheran,  2018, është hapur në Mesxhidin ‘Imam Humejni’ në Teheran të marten ku janë mirëpritur  2050 shtëpi dhe 132 botues të huaj nga Gjermania, Kina, Italia, Omani, Hungaria, Austria, Rusia dhe Iraku.