Hamasi:Protestat do të vazhdojnë derisa të përfundojë rrethimi i Gazës

Hamasi tha se protestat masive paqësore do të vazhdojë deri në mbarimin e rrethimit të Rripit të Gazës.

"Ne do të kthehemi në Palestinë, në fshatrat tona dhe në Jerusalem,  al-Kuds", tha shefi i Hamasit, Ismail Haniyeh të hënën gjatë një proteste në një kamp të ngritur përgjatë kufirit me Izraelin.

"Edhe pse jemi në javën e dytë të Marshit të Kthimit, ky marshim i qetë, civilizuar dhe popullor ka arritur qëllime të rëndësishme dhe ne jemi ende në fillim," shtoi ai, raportoi Press TV.

Duke theksuar se marshimet ishin paqësore, Haniyeh theksoi se Hamasi është i përgatitur të marrë armë kundër regjimit të Tel Avivit.

Më 30 mars, palestinezët marshuan në Murin  që ndan Gazën nga territoret e okupuara në fillim të një proteste gjashtë javore, të quajtur "Marshi i Madh i Kthimit", duke kërkuar të drejtën për t'u kthyer për ata të dëbuar nga atdheu i tyre.

Demonstratat u kthyen në dhunë pasi forcat izraelite përdorën gaz lotsjellës dhe armë zjarri kundër protestuesve.

Izraeli është përballur me kritika ndërkombëtare mbi përdorimin e armëve të  zjarrit pas pothuajse dy javësh protesta dhe përplasjesh përgjatë rrethimit në të cilin forcat e izraelit kanë vrarë 30 palestinezë, sipas Ministrisë së Shëndetësisë të Gazës.