Lobim aktiv, brenda vitit kosovarët do të lëvizin të lirë

Në Zonën e Debatit të Lirë, në Klan Kosova, Ministrja e Integrimit Evropian, Dhurata Hoxha ka thënë se Kosova është duke punuar shumë në plotësimin e kriterit të dytë për liberalizimin e vizave, që është luftimi i korrupsionit. Ajo deklaroi se: “Brenda vitit qytetarët tanë do të arrijnë të lëvizin të lirë pasi plani jonë është të bëjmë një lobim shumë aktiv”.

Bazuar në eksperiencën e vendeve tjera, pritet që të kalojnë 6 muaj nga momenti i vendimit për liberalizimin e vizave, kur pritet të hyjë në fuqi ky vendim. Hoxha ka theksuar se i gjithë ky proces nuk varet më nga Kosova, por që duhet të ipen argumente shtesë  në mënyrë që të ketë vendim sa më të shpejt.

“Ne duhet të ndërmarrim hapa si qeveri që të përshpejtojmë  procesin që të kemi sa më shpejt rezultate dhe të tregojmë që jemi të përkushtuar në luftën kundër krimit të korrupsionit” – theksoi Hoxha.