SHBA rifillojnë ndihmën ushtarake për Egjiptin

Administrata e Obamas ka në plan të rifillojë një ndihmë ushtarake për Egjiptin me dhjetë helikopterë Apache pasi qeveria ushtarake e  Kajros përkrahu traktatin e paqes me Izraelin.

      Vendimi për të hequr ndalesën e ndihmës nga SHBA është bërë për shkak se qeveria egjiptiane është e qëndrueshme, marrëdhëniet e saj strategjike me Shtetet e Bashkuara janë të mira dhe përmbushja e detyrimeve të saj ndaj Izraelit,  kështu tha Sekretari i Shtetit, John Kerry në një bisedë telefonike me Ministrin e Jashtëm të Egjiptit, Nabil Fehmi në një bisedë telefonike, sipas zëdhënëses të Departamentit të Shtetit, Jen Psaki.

   Sekretari i Mbrojtjes, Chuck Hagel, gjithashtu, e informoi homologun e tij egjiptian, Gjeneral kolonelin, Sedki Sobhi, për  vendimin në një thirrje telefonike, duke thënë se helikopterët Apache do të ndihmojë qeverinë egjiptiane kundër ekstremistëve të cilët kërcënojnë SHBA, sigurinë e Egjiptit dhe Izraelit, sipas zëdhënësit të Pentagonit  admiralit John Kirby.

     Vendimi vjen, pavarësisht shqetësimeve për dështimin e qeverisë së Egjiptit për të përqafuar reformat demokratike, pas rrëzimit të ish-presidentit Muhammed Mursi në korrikun e kaluar. Që atëherë, Egjipti ka qenë skenë vdekjeprurëse e përkrahësve të Mursit kundër qeverisë, të cilët zhvillonin protesta në rrugë.

     Sipas ligjit të SHBA, kur një grusht shteti ushtarak ndodh në një vend, ndihma ekonomike dhe ushtarake duhet të ndalohet. Por, ky vendim i administratës do të thotë ndihma e diskutueshme për ushtrinë  egjiptiane.  

     Para grushtit të shtetit të vitit të kaluar në Egjipt, SHBA ka ndihmuar Kajron me 1.5 miliardë dollarë në vit, prej të cilave 1.3 miliard dollarë ishin ndihma ushtarake.