Radiot Kur'anore ndikojnë në luftën kundër ekstremizmit

Drejtori i Sindikatës Islamike të Transmetimeve (IBU) tha se radiot Kur'anore të Botës Muslimane mund të jenë ndër mediat më me ndikim në kundërshtimin e ekstremizmit.

Duke folur për mbledhjen e katërt të zyrtarëve të radiostacioneve të Kur'anit në Botën Islame, Muhammed Salem Walad Boake tha se radiot Kur'anore  mund të luajnë një rol të madh në ngritjen e vetëdijes në mesin e të rinjve dhe imunizimin e tyre kundër ideologjive ekstremiste dhe radikale, njoftoi të përditshmes el-Misriyun.

Veprimtaria ndërkombëtare nisi në kryeqytetin e Egjiptit, në Kajro, më 28 janar 2018.

Lufta kundër ekstremizmit është tema kryesore e takimit tre-ditor.

Pjesëmarrësit diskutojnë rolin e radiove Kur'anore në luftën kundër ekstremizmit dhe radikalizmit.

Sindikata Islamike e Transmetimeve (IBU) e ka organizuar këtë ngjarje në bashkëpunim me Organizatën Islamike për Arsim, Shkencë dhe Kulturë (ISESCO) dhe Shoqatën Kombëtare të Medias të Egjiptit (NMS).

Ministri egjiptian Awqaf Muhammed Mukhtar Guma, një tjetër folës në tubim, tha se radiot Kur'anore mund të kontribuojnë në përpjekjet kundër terrorizmit përmes programeve të tyre.

Gjithashtu duke folur në tubim ishte përfaqësues i Qendrës Islame Al-Azhar Abdul Fattah Awari i cili tha se ekstremizmi është me origjinë nga interpretimi i gabuar i fesë.

Prandaj, tha ai, çdo përpjekje nga mediat dhe institucionet arsimore për të rritur ndërgjegjësimin dhe për të promovuar mësimet e vërteta të feve është e lavdërueshme.