Festivali i Ushqimit Hallall në Londër

Vizitorët u mblodhën të shtunën më 19 gusht në Tobacco Dock në Londër gjatë Festivalit të Ushqimit Hallall në Londër, i cili u zhvillua më 19-20 gusht .

Festivali, që konsiderohet si festivali më i madhi  i  Ushqimeve Hallall në Mbretërinë e Bashkuar, priti mijëra njerëz gjatë fundjavës.

Ka pasur edhe shfaqje të drejtpërdrejta nga kuzhinierë të famshëm në një teatër të veçantë gatimi, duke përfshirë një përgatitje të drejtpërdrejtë nga Kampionja, Saliha Mahmud-Ahmed.

Kulmi i festivalit përfshinte një zonë të dedikuar Ushqimit Hallall  Italian  dhe një konkurencë të Ushqimit Hallall të hapur për vizitorët.

Kompani të tjera shfrytëzuan turmën e madhe duke promovuar linjën e tyre të re dhe të fundit të prodhimeve hallall.

Ushqimi hallall konsumohet jo vetëm nga 1.5 miliardë muslimanë në mbarë botën, por gjithashtu nga të paktën 500 milionë jomuslimanë në industrinë globale prej 2 trilion dollarësh.