Muslimanët në SHBA bashkohen në një koalicion

Duke kërkuar për të bërë një ndikim më të madh në politikën amerikane dhe për të mbrojtur më mirë të drejtat e tyre civile, dhjetë grupe muslimane janë bashkuar dhe kanë themeluar një grup të ri me emrin: Këshilli Amerikan i Organizatave Muslimane.

    Shumë nga udhëheqësit e kësaj organizate të re e kanë quajtur fushatën për bashkim në mesin e myslimanëve si një rritje, një vetëdijesim, një hap të paparë për komunitetin dhe një mundësi për të  ndihmuar muslimanët më shumë në strukturën e jetës amerikane.

    ''Kjo është ëndërra e çdo musliman amerikan, për t’u bashkuar në qasje, agjendë dhe në vizionin e komunitetit musliman,'' tha Nihad Avad, drejtor ekzekutiv i Këshillit për Marrëdhëniet Amerikano-Islame, të  mërkurën, më 12 mars 2014,  gjatë një deklarate në Klubin Kombëtar të Shtypit. 

   
    ''Në të kaluarën, shumë njerëz janë përpjekur për t’u bashkuar në një agjendë të kufizuar por kjo është agjenda më e gjerë për komunitetin musliman amerikan.''

     Këshilli ka në plan për të mbrojtur çështjet më të rëndësishme të muslimanëve amerikanë dhe për të rritur regjistrimin e votuesve. Ideja është për t’u dhënë muslimanëve një platformë politike më të madhe në zgjedhje dhe në shoqëri  dhe për të rritur fuqinë  ndikuese të komunitetit.

     Organizatat në këtë Këshill përfshijnë disa nga muslimanët më aktiv në jetën e muslimanëve -amerikan, duke përfshirë  organizatën CAIR, Rrethi Islamik i Amerikës së Veriut dhe Shoqëria Amerikane Muslimane.

     Anëtarët e Këshillit kanë thënë se detyra e tyre e parë është që të bëhet regjistrimi i përgjithshëm i muslimanëve në SHBA, kjo është mënyra për marrë një trajtim më të mirë dhe të nxjerrin myslimanët çështjet kryesore apo ato që janë më të rëndësishme për interesin e tyre.  Ata shpresojnë të përfundojnë atë brenda dy viteve, për të ndihmuar në formimin e agjendëa së tyre për zgjedhjet e vitit 2016.

    ''Votuesit muslimanë kanë potencial të jetë votues në rritje në vitin 2016 , '' tha Nihad Avad. Ne jemi duke synuar që në ato zgjedhje të  sjellim sa më shumë pjesëmarrës të komunitetit musliman.''