Hafizi nga Nigeria: Garat Kur’anore nxisin mësimin e Kur'anit

Një mësues i ri i Kur'anit nga Nigeria, i cili e zuri vendin e dytë në Garën Ndërkombëtare të Kur'anit për nxënësit e shkollave, tha se ngjarje të tilla Kur’anore ndihmojnë në nxitjen e mësimit dhe të mësimit përmendësh të  Librit të Shenjtë, Kur’anit.

Hassineh Thalith Junus, e cila mori pjesë në seksionin e vajzave në gara,  tha se ishte paraqitja e saj e parë në një ngjarje ndërkombëtare kur'anore.

Duke folur për Agjencinë e Lajmeve IQNA, ajo shprehu kënaqësi të madhe që fitoi titullin, duke e falënderuar Allahun për këtë arritje. 

Hassineh tha se ngjarjet kur’anore si këto janë vende për inkurajimin e të rinjve për të mësuar Kur'anin dhe për të rritur unitetin mes muslimanëve.

Ajo gjithashtu falënderoi Iranin për organizimin e ngjarjes dhe për programet e  " shkëlqyera" të mbajtura për pjesëmarrësit në periferi të Garave Kur’anore.

Sa i përket aktiviteteve Kur'anore në Nigeri, ajo tha se ka shumë Qendra Kur'anore në  Nigeri , Afrikë, që ofrojnë kurse mbi këndimin e Kur’anit, për mësimin përmendësh të Kur’anit dhe për Texhvidin.

Nxënësit gjithashtu mësojnë Kur'anin në shkolla, vazhdoi Hassineh.

Gjatë ditëve të fundit, Irani  ishte organizator i pesë Garave  Ndërkombëtare Kur'anore me pjesëmarrjen e 276 aktivistëve të Kur'anit nga 83 vende.

Ata morën pjesë në Garat Ndërkombëtare të Kur'anit për gratë, studentët, nxënësit e shkollave dhe studentët e seminareve.