El- Maliki : Arabia Saudite mbështet terrorizmin global

Kryeministri i Irakut,  Nuri el-Maliki ka akuzuar Arabinë Saudite për mbështetjen e  “terrorizmit” global, në Botën Arabe dhe në vende të tjera.

    Në një intervistë të transmetuar të shtunën,  me France 24,  kryeministri i Irakut, Nuri el-Maliki, dënoi qëndrimin e rrezikshëm saudit për mbështetjen e terrorizmit në botë - ajo e mbështet atë në Siri, Irak, Liban, Egjipt dhe Libi dhe madje edhe në vendet jashtë Botës Arabe.

    Arabia Saudite dhe Katari janë duke destabilizuar Irakun duke mbështetur grupet militante dhe kanë deklaruar në mënyrë efektive luftë në Irak.

    Ata janë duke sulmuar Irakun, Sirinë dhe në mënyrë të drejtpërdrejtë ata kanë njoftuar luftë ndaj Irakut, u shpreh Kryeministri, el-Maliki.

    Këto dy vende janë kryesisht përgjegjëse për krizën sektare dhe terroriste dhe të sigurisë së Irakut. Maliki tha se akuzat se ai e ka  margjinalizuar pakicën sunite të Irakut,  janë nxitje nga sektarët me lidhje të ngushta me agjendat e huaja me nxitje të Arabisë Saudite dhe Katarit.

      Ai tha se Rijadi dhe Doha kanë ofruar mbështetjen politike, financiare dhe mediave të grupeve militante dhe i akuzoi ata për blerjen e armëve për të mirën e këtyre organizatave terroriste.