15 fëmijë të vrarë nga snajperët e Daesh (ISIS-it) në Mosul

Të paktën 15 fëmijë janë vrarë nga snajperët e Daesh-it gjatë dy ditëve të fundit në qytetin verior të Mosulit, sipas një oficeri të ushtrisë irakiane.

"Snajperët e  Daesh-it kanë në shënjeshtër fëmijët ndërsa ata përpiqen të largohen me familjet e tyre nga Mosuli nën kontrollin e ushtrisë", tha të enjten për Agjencinë Anadolu,  oficieri ushtarak, Nazhan al-Kassem.

"Brenda dy ditëve të fundit, të paktën 15 fëmijë janë vrarë në këtë mënyrë", tha ai.

Nazhan Al-Kassem vazhdoi të pohojë  se grupi terrorist ka në shënjestër  fëmijët, si një mjet për të frenuar panikun që ka goditur banorët lokalë të cilët  përpiqen të largohen nga pjesët e qytetit që janë ende nën kontrollin e ISIS-it.

Në një zhvillim lidhur me këtë, Ijad Rafed, një zyrtar irakian i Gjysmëhënës së Kuqe, tha për Agjencinë Anadolu se gjatë dy ditëve të fundit rreth  2,150 refugjatë – duke përfshirë shumë gra dhe fëmijë – janë  larguar nga pjesët e lindore dhe veriore  të Mosul-it që janë çliruar kohët e fundit nga ushtria.

Sipas Ijad Rafed, civilët po largohen nga zona e "çliruar" për shkak të kushteve të këqija humanitare - duke përfshirë mungesën e ushqimit  dhe granatimet e  vazhdueshme nga militantët e Daesh-it (ISIS-it). 

Të martën, zyrtarët e qeverisë irakiane thanë se numri i përgjithshëm i banorëve të Mosulit që kanë ikur nga lufta në qytet në javët e fundit janë rreth 80,000.

Daesh (ISIS) ka pushtuar Mosulin, së bashku me sipërfaqe të mëdha të Irakut verior dhe perëndimor, në mes të vitit 2014.

Për 45 ditët e fundit, ushtria e Irakut – e mbështetur nga avionët e koalicionit të udhëhequra nga Shtetet e Bashkuara të Amerikës në terren kanë  luftuar për të rimarrë Mosulin, që dikur konsiderohej qyteti i dytë më i populluar i Irakut.