Ekspozita e parë e përbashkët e Muzeut të Vatikanit dhe Muzeut Islamik

Departamenti  i Muzeumeve në Sharxhah ka njoftuar një bashkëpunim të veçant unik dhe të paprecedent në mes të Muzeut Sharxhah të Qytetërimit Islam dhe Etnologjik  dhe Muzeut të Vatikanit, si rezultat i këtij bashkëpunimi do të hapet një ekspozitë  për kulturën materiale dhe artet e kulturat dhe për kulturën muslimane nga e gjithë bota në këtë muaj, mars 2014.

   Duke filluar nga 19 Marsi deri në qershor dhe e titulluar:

'' Kështu ju mund të njihni njëri-tjetrin -Bota e Islamit nga Afrika Veriore deri në Kinë dhe më gjerë '', ekspozita do të paraqesë objekte  nga koleksionet  e gjera të Muzeut Etnologjik të Vatikanit në qytetin e Vatikanit.

   Do të paraqiten për herë të parë 70 eksponante që përfshijnë kostume,  tekstile, stoli, pajisje kalorësish, armë, instrumente muzikore dhe artikuj të jetës së përditshme dhe praktikës kulturore të marra nga vende të ndryshme, duke filluar nga Afrika, nga Lindja e  Afërt dhe Lindja e Mesme dhe në të gjithë Azinë  deri nnë Kinë.

     Duke komentuar për këtë ekspozitë të jashtëzakonshme, Manal Ataja, drejtori i përgjithshëm i Departamentit të Muzeut  në Sharxhah, tha : '' Ky prezantim i paparë  manifeston trashëgiminë e larmishme të muslimanëve në të gjithë kulturat, duke zbuluar se si arti i njerëzve lulëzon në harmoni me një besim unifikues.

     Ekspozita është projektuar posaçërisht që paraqet, që flet në lidhje me mënyra të shumëfishta të jetës brenda bashkësisë myslimane dhe çdo objekt, artifakt,  i paraqitur tregon një histori të veçantë në lidhje me traditat e popujve.''