Politika e Arabisë Saudite bazohet në krijimin e përçarjeve mes popujve muslimanë

Përfaqësuesi i Udhëheqësit  Suprem për çështjet e Haxhit  ka thënë se politika e Arabisë Saudite bazohet në krijimin e përçarjeve mes popujve muslimanë.

Ali Gazi Asgar, i pranishëm në ceremoninë e përkujtimit të shehidëve  iranianë në tragjedinë e Minasë, ceremoni e cila u mbajt në Teheran, pasi hodhi poshtë pretendimet e Arabisë Saudite se Teherani mundohet të përçajë muslimanët, tha se në plan të parë të politikës së Arabisë Saudite është krijimi i përçarjes në Ummetin Musliman me qëllim që Familja Mbretërore Al Saud të mbulojë gabimet, pakujdesinë  dhe paaftësinë e saj në administrimin e ceremonisë së Haxhit.

Përfaqësuesi special i Udhëheqësit Suprem për çështjet e Haxhit, citoi një thënie të Imam Humejnit  (r.a.) i cili ka theksuar  miqësinë dhe unitetin mes muslimanëve shiitë dhe muslimanëve sunnitëve dhe tha se kjo thënie dëshmon  se Irani gjithmonë kërkon bashkimin e Botës Islame, por Familja Mbretërore  Al Saud, ceremoninë e  Haxhit e përdor për interesa politike.

Ali Gazi Asgar ndër të tjera tha: Pushtetarët Al Saud gjatë ceremonisë së Haxhit, ofendojnë muslimanët shiitë dhe muslimanë  sunitët dhe haxhinjtë iranianë i quajnë të pafe në një kohë kur vizitorët kanë shkuar për të vizituar Shtëpinë e Zotit.

Sa i përket pengesave të Arabisë Saudite për të trajtuar problemet e muslimanëve gjatë ceremonisë së Haxhit, z.Ali Gazi Asgar tha:

Këto pengesa bëhen në kohën kur Haxhi është mundësia më e mirë për të gjetur zgjidhje për çështje si Palestina, Iraku, Libani, Jemeni, Bahrejni dhe vende të tjera islame. Përfaqësuesi i udhëheqësit  suprem për çështjet e Haxhit  foli mbi mbytjen e shtatë mijë haxhinjve,  mes tyre 464 haxhinjve  iranianë,  në tragjedinë e Minasë dhe tha;

Këta njerëz kanë rënë viktima për shkak të paaftësisë së regjimit Mbretëror të Arabisë  Saudite -Al Saud në administrimin dhe drejtimin e ceremonisë së Haxhit.