Fjalimi i Abasadores Çitakut në OKB: ISISI e barabartë me idetë e Milosheviqit

Dje, Srebrenica shënoi 21 vjetorin e masakrës më të madhe që nga Lufta e Dytë Botërore, ku forcat serbe vranë më shumë se 8000 burra boshnjakë.

Në këtë ditë të shënuar, gratë e Srebrenicës kanë kritikuar ashpër ambasadoren boshnjake në Nju Jork, Mirsada Çolakoviq, e cila sipas tyre nuk ka guxuar ta përmend në Këshillin e Sigurimit të OKB-së gjenocidin që ka kryer Serbia në Srebrenicë.

Mirëpo, gratë e Srebrenicës i janë shprehur mirënjohjes ambasadores së Kosovës në SHBA, Vlora Çitaku, e cila në mbledhjen e fundit të Këshillit të Sigurimit e ka përmendur dhe dënuar ashpër gjenocidin në Srebrenicë.

“Ambasadorja Çolakoviq nuk guxoi ta thotë asnjë fjale, sepse populli ynë është ende nën thundrën e një partie e cila ka po ata njerëz që na shkaktuan dhimbje dhe gjenocid. Përderisa zonja Çolakoviq ka frikë, atë frikë nuk e ka Ambasadorja e Kosovës, e cila foli qartë dhe me një anglishte të përkryer para OKB-së. Më vjen keq që nuk e keni dëgjuar fjalimin e sajë, në të cilin, në mënyrë kronologjike i numëroi një nga një krimet qe ka bërë Serbia. Duke ia përkujtuar që Serbia është kreatore e të gjitha krimeve nga Derepada deri në Triglavë, e duke përmendur disa here Bosnjën tonë dhe posaçërisht Srebrenicën”, thuhej në reagimin e grave të Srebrenicës.

Pjesë nga Fjalimi i znj.Çitaku: “Gjenerata jonë ende e ka të freskët diskriminimin që u bë ndaj tyre, kur shkollat e tyre u mbyllën shkollat u  diskriminua shumica duke u diskriminuar nga pakica serbe. Ne ia arritëm suksesit jo se ishim të fortë por ne kishim të drejtë dhe ne kishim shpresa, shpresa që të jemi të barabartë të jemi të lirë...

Kërcënimi i ISIS-it është i barabartë me fjalimet kërcënuese  është i barabart me idetë, retorikat e Milosheviqit që mundohen të mbahen të gjalla. “