Agjërimi është një intervenim kirurgjik pa brisk

Me një fjalë agjërimi është “një operacion i suksesshëm pa brisk” – thotë prim. dr. Vildana Biliq, specialiste e mjekësisë së përgjithshme, me të cilën, me rastin e ardhjes së Ramazanit kemi biseduar rreth asaj se si agjërimi ndikon përgjithësisht në shëndetin e njeriut.

Shumë hulumtime shkencore të universiteteve dhe instituteve mjekësore me nam botëror kanë dëshmuar se përmbajtja nga ushqimi dhe pijet e pastron organizmin nga radikalet e lira të cilat me kalimin e kohës grumbullohen në trupin e njeriut.

Nëna e shëndetit

Mund të thuhet se agjërimi është po aq i vjetër sa edhe vet njeriu. Për mirësitë e agjërimit ka folur edhe Hipokrati, i cili madje edhe vet kishte agjëruar, pikërisht për shkaqe shëndetësore.

Për atë se sa ka qenë i befasuar me ndikimin e agjërimit, ndoshta më së miri flet fakti se ai është i pari që ka shkruar një udhëzim për agjërimin. Në fakt, porosia kryesore e misionit të tij është që të shërohemi me agjërim në vend të barërave.

Sipas tij, uria është nëna e shëndetit, ndërkaq të tepruarit me ushqime dhe ngopshmëria është nëna e sëmundjeve – thotë Biliq.

Bashkëbiseduesja e jonë thekson se në ditët tona shumë klinika të njohura në perëndim, si metodë për shërimin e disa sëmundjeve, e rekomandojnë pikërisht përmbajtjen nga ushqimi dhe pijet.

Kur bëhet fjalë nga aspekti medicinal funksioni themelor i agjërimit është pastrimi i organizmit. Me këtë rast mendoj për secilën pjesë të trupit, veçmas për gastrosistemin – mëlçinë, e cila është laboratori kryesor në organizmin e njeriut, përmes të cilës lirohen të gjitha toksinat, të cilat mandej largohen nga organizmi përmes traktit urinar dhe digjestiv. Agjërimi ndikon mirë edhe në pankreas i cili gjatë këtij muaji “pushon”. Te personat e stërngopur ajo duhet të punoj pa u ndalur , për të prodhuar sasi të mëdha të insulinës. Me këtë rast organizmi sfilitet, ndërkaq në një mënyrë njeriun e shpie në diabet. Pra duke agjëruar e parandalojmë edhe këtë sëmundje. Gjatë agjërimit relaksohen zemra dhe veshkët, ndërkaq kontrollohet edhe obeziteti – sqaron dr.Biliq.

Lirimi nga yndyrërat

Ajo që është me rëndësi të theksohet është se njeriu gjatë agjërimit fillon të ushqehet me rezervat e deponuara, ndërkaq këto rezerva janë të pranishme në të gjitha indet.

Fillimisht organizmi fillon të lirohet nga ajo që është e dëmshme për të. Procesi zhvillohet sipas rendit të përmbysur për nga rëndësia, andaj fillimisht lirohen yndyrërat, ndërsa më pastaj tepricat e gjithë përbërësve të tjerë. Pra organizmi gjatë agjërimit së pari i shpenzon pjesët e dëmshme, siç janë mugullimet patologjike, indet e sëmura, tumorët. Janë të njohura rastet kur njerëzit janë shëruar prej karcionomeve me anë të agjërimit, sikur që agjërimi është treguar si mënyrë e mirë për parandalimin e shumë sëmundjeve – thekson prim. Dr. Biliq.

Bashkëbiseduesja e jonë konkludon, se përveç te disa lloje të karcionomeve, agjërimi ndihmon edhe te një listë e tërë e sëmundjeve dhe gjendjeve siç janë: alergjitë, ekcemet, aknet, obeziteti e tj. Agjërimi i baraspeshon hormonet, stabilizon sistemin nervor dhe i parandalon sëmundjet kardiovaskulare.

Agjërimi e zgjatë jetën

Përparësit e agjërimit janë:

1.      Bënë resetimin e organizimit

2.      I shton potencialet energjetike të trupit

3.      E forcon sistemin imunitar

4.      E përshpejton procesin shërues.

5.      Ripërtërinë qelizat e gjakut

6.      Përshpejton metabolizmin

7.      E përmirëson fjetjen

8.      A kthjellon të pamurit/shikimin

9.      E nxitë produktivitetin fizik

10.  E përmirëson gjendjen emocionale të njeriut

11.  E zgjatë jetën

 

Durimi dhe përmirësimi i mbamendjes

Gjatë agjërimit agjëruesi bëhet më:

1.      Durimtar

2.      Mëson vetëpërmbajtjen

3.      E kthjellon mendjen në kuptim të mirëuptimit për të tjerët.

4.      E përmirëson mbamendjen.