Regjimi i Bahrejnit e shpërbën Shoqatën Kur’anore

Xhemil Humaidan, Ministri i Bahrejnit i Punës dhe Zhvillimit Social, deklaroi se vendimi për shpërbërjen e Shoqatës  është bazuar në nenin 50 të ligjit të shoqatave  sociale, kulturore dhe klubeve të vitit 1989.

Sipas vendimit të ministrit, shoqata do të likuidohet brenda katër muajsh, sipas GNews.

Shoqata e identifikon veten si puntori ku shtypet shtypet  dhe shpërndahen falas kopjet e Kur'anit  në vendet ku ato mungojnë apo nuk janë lehtësisht në dispozicion.

Shoqata, themeluar në vitin 2006, thotë në faqen e saj se kishte përdorur fondet dhe donacionet nga mbështetësit dhe sponsorët për të kryer disa arritje në lidhje me shtypjen dhe shpërndarjen e Kur'anit në vendet afrikane dhe aziatike.

Autoritetet e Bahrejnit kanë nisur një fushatë të gjerë duke filluar kundër shoqatave të cilat i ka akuzuar për shkeljen e ligjit.

Të martën, gjykata pezulloi Al Wefaq, grup kryesor i opozitës së Bahrejnit,  mbyllen zyrat e tij, pezulloi aktivitetin etij, dhe ngriu asetet e tij. 

Manama gjithashtu ka shpërbërë dy grupe të tjera të opozitës, përkatësisht Shoqatat Islamike, al-Tawiya dhe al-Risala.

Zyrtarët e grupit të opozitës në al-Wefaq  e denoncuan pezullimin si të paligjshëm dhe i bëri thirrje komunitetit ndërkombëtar për të marrë masa përballë shtypjes së dissidentëve të regjimit të Bahrejnit.

Sekretari i Përgjithshëm  i  Al Wefaq, Shejh  Ali Salman ka qenë në burg që nga dhjetori i vitit 2014 nën akuzat për përpjekje për të përmbysur regjimin dhe bashkëpunim me fuqitë e huaja, të cilat ai i ka mohuar. 

Në një zhvillim tjetër të enjten, një gjykatë penale në Bahrejn dënoi tetë shtetas muslimanë shiitë deri në 15 vjet burgim secili dhe iu hoqi të pandehurëve shtetësisë e tyre.

Sipas një burimi gjyqësor, tetë shtetasit muslimanë shiitë janë akuzuar për formimin e një grupi terrorist në vitin 2014, posedojnë armë dhe janë  përpjekur për të vrarë policët në fshatin  Nuwaidrat të Bahrejnit.

Dy të pandehur të tjerë janë dorëzuar edhe janë dënuar me  burgim prej tre vjetësh sepse kanë marrë pjesë  në një demonstratë të paautorizuar në të njëjtin fshat në muajin qershor të vitit 2014.

Që nga mesi i shkurtit të vitit 2011, Bahrejni, një aleat i ngushtë i Shteteve të Bashkuara të Amerikës  në rajonin e Gjirit Persik, ka qenë dëshmitarë i protestave pothuajse të përditshme  duke kërkuar që familja mbretërore sunduese të heqë dorë nga pushteti.

Regjimi i Al Khalifah është i angazhuar me goditje të ashpëra ndaj disidentëve dhe diskriminimit të gjerë kundër shumicës muslimane shiite të vendit. Dhjetëra njerëz janë vrarë dhe qindra të tjerë janë të plagosur apo të arrestuar në këtë shtet ishull.