Rouhani: Sanksionet kundër Iranit të paligjshme

      Kryetari i Iranit Hassan Rouhani ka kritikuar sanksionet e vëna ndaj Republikës Islamike rreth programit të saj të energjisë bërthamore, duke vënë në dukje se ndalimet janë të paligjshme dhe dëmtojnë të drejtën ndërkombëtare.

     Sipas Press TV, në një intervistë ekskluzive me rrjetin e lajmeve CNN, të mërkurën, më 22 janar 2014,  në prag të Forumit Ekonomik Botëror (WEF) në Davos, Zvicër , Rouhani tha se sanksionet kundër Iranit janë të paligjshme dhe ato shkelin ligjet ndërkombëtare.

     Vërejtjet e Rouhanit vijnë pasi pesëdhjetë e nëntë senatorë amerikanë kanë nënshkruar një projekt-ligj që do të vendosë më shumë sanksione ndaj Iranit, nëse votohet. Komiteti Amerikan Izraelit për Marrëdhënie Publike ( AIPAC ) thuhet se është duke punuar për të bindur më shumë Senatorët që të mbështesin projekt-rezolutën.

     Kryetari Hassan Rouhani deklaroi më tej se Ne nuk kemi frikë nga kërcënimet dhe gjuha e kërcënimeve është i paefektshme kur është fjala për Iranin. Gjuha që ata duhet të zgjidhni duhet të jetë një gjuhë ligjore, një ton zëri  me respekt kur i adresohet popullit të Iranit. Kështu përfitohet nga rajoni jonë, përfitojnë edhe interesat e vendeve të tjera.

     Kryetari i Iranit, Hassan Rouhani, vazhdoi duke thënë se mosbesimi mes Teheranit dhe Uashingtonit është rrënjosur thellë, duke shtuar se për shkak të politikave të miratuara nga administratat e ndryshme amerikane në 30 vitet e fundit, populli iranian nuk ka besim më tek ata.