Ekzekutimi nga Sauditët i një udhëheqës fetar i papranueshëm

Kryetari i Iranit, Hassan Ruhani ka kritikuar politikat rajonale dhe vendore të Arabisë Saudite, duke thënë se Rijadi ka marrë një rrugë të gabuar.

Duke folur në një konferencë shtypi të dielën për zbatimin e kohëve të fundit të një marrëveshje bërthamore midis Iranit dhe fuqive botërore, presidenti iu referua ekzekutimit të autoritetit të shquar  fetar musliman shiit, Shejh Nimr Bakir al-Nimr nga regjimi saudit dhe e përshkroi atë si të papranueshëm.

Nëse dikush ka kritika për mungesën e drejtësisë sociale në një vend, përgjigjja e tij nuk është ekzekutimi, tha Hassan Ruhani. 

Vrasja e një dijetar fetar dhe mosrespektimi i një pjese të  konsiderueshme të shoqërisë nuk është diçka e pranueshme, shtoi ai.

Arabia Saudite më 2 janar 2016 ekzekutoi  Shejh  Nimr, në mesin e dhjetra të tjerëve. Ekzekutimi  u dënua  gjerësisht në përmasa  ndërkombëtare, nga figurat  politike dhe fetare.

Kryetari Hassan Ruhani kritikoi edhe trajtimin e katastrofës  në Mina nga regjimi Saudit, në muajin shtator 2015, në të cilën u mbytën mijëra haxhinj gjatë  Haxhit, si dhe agresionin Saudit në Jemen që ka lënë shumë jemenas të vdekur, të cilët ishin civil të pafajshëm.

Arabia Saudite ka filluar një rrugë të gabuar dhe është e nevojshme që ajo  të ndërpresë këtë rrugë, Hassan Ruuhani vazhdoi duke thënë.

Në vende të tjera në fjalën e tij, kryetari iu referua zgjidhjes së çështjes bërthamore përmes bisedimeve si një model i mirë për zgjidhjen e çështjeve rajonale.

Irani dhe gjashtë fuqitë botërore (Rusia, Kina, Shtetet e Bashkuara të Amerikës, Britania, Franca dhe Gjermania) më 14 korrik  2015 finalizuan një marrëveshje për programin bërthamor të Teheranit, e njohur si Plani Gjithëpërfshirës i Përbashkët i Veprimit (JCPOA).

Të shtunën, më 17 janar 2016, Ministri i Jashtëm i Iranit, Muhammed Xhevad Zarif dhe shefja e politikës së Jashtme  të Bashkimit Europian, Federica Mogherini, njoftoi në një deklaratë të përbashkët se zbatimi i marrëveshjes bërthamore ka filluar zyrtarisht.