Perëndimi duhet të respektojë të drejtën bërthamore të Iranit

     Rezultatet e një sondazhi të ri nga website i emisionit  televiziv Press TV tregojnë se shumica dërmuese e të intervistuarëve në të gjithë botën besojnë se Perëndimi duhet të respektojë të drejtën e Iranit për programin paqësor bërthamor për energji.
    Sondazhi, i hapur në mes të datës 5 deri më 12 nëntor, 2013, pyeti të anketuarit se a duhet Perëndimi të respektojë të drejtën bërthamore të Iranit për pasurimin sipas Traktatit të Mospërhapjes Bërthamore (Non Proliferation Treaty (NPT). 

     Sipas sondazhit, 89 për qind e votuesve u pajtuan se Perëndimi duhet të respektojë të drejtën e Iranit për pasurimin, ndërsa vetëm 11 për qind votuan kundër.
     Shtetet e Bashkuara të Amerikës përbënin shumicën e pjesëmarrësve të anketuar me më shumë se 1.500 të anketuarëve,  Britania me vetëm mbi 700, Kanada nën 500, Gjermania nën 200, dhe Australia me mbi 120.
      Rezultatet erdhën pas bisedimeve me dyer të mbyllura rreth  programit bërthamor të Teheranit, mes Iranit dhe pesë anëtarëve të përhershëm të Këshillit të Sigurimit të Kombeve të Bashkuara – Shtetet e Bashkuara të Amerikës, Kina, Rusia, Franca dhe Britania e Madhe - plus Gjermania, që përfunduan në Gjenevë javën e kaluar. Bisedimet intensive nisën më 7 nëntor 2013 dhe zgjatën deri në orët e hershme të 10 nëntorit 2013.
      Të dy palët nuk arritën një marrëveshje në Gjenevë, por theksuan  se përparim i rëndësishëm është bërë dhe shprehën optimizëm në lidhje me perspektivën e arritjes së një marrëveshje. Të dy palët u pajtuan që të vazhdojnë bisedimet më 20 nëntor 2013, në të njëjtin vend, në Gjenevë, Zvicër.