Udhëheqësi: Bisedimet e fundit shpalosin armiqësinë e SHBA

Udhëheqësi Suprem i Revolucionit Islamik Ajetullah Sejjid Ali Khamenei tha se bisedimet e fundit bërthamore treguan se SHBA-ja nuk ka hequr dorë nga armiqësia e saj ndaj Iranit, dhe shtoi se Uashingtoni nuk ka arritur të dëmtojë vendin në sajë të qëndresës që tregoi populli iranian.

    Një nga rezultatet e mira të bisedimeve të fundit ( bërthamore ) ( mes Iranit dhe grupit të gjashtë fuqive botërore ) ishte armiqësia e shpallur e zyrtarëve të SHBA-ve ndaj Iranit dhe iranianëve, ndaj Islamit dhe muslimanëve, deklaroi Ajetullah Sejjid Khamenei deklaroi të enjten, duke shtuar se armiqësia ishte mjaft e dukshme në tonet dhe komentet e zyrtarëve të SHBA-ve në javët e fundit.

     Duke iu drejtuar mijëra prijësave fetarë dhe njerëzve besimtarë në  qytetin e shenjtë Kom, udhëheqësi tha se fakti se amerikanët nuk pranojnë të veprojnë kundër Iranit është për shkak të paaftësisë së tyre ( për të vepruar ) dhe jo mungesë  së armiqësisë.

     Bisedimet e fundit zbuluan armiqësinë amerikane dhe pafuqinë e tyre,  tha Ajetullah Sejjid Ali Khamenei.

     Udhëheqësi hodhi poshtë pretendimet e Perëndimit se presionet e vendosura ndaj Iranit e kanë sjellë  atë në tavolinën e bisedimeve.

    Kur armiku ballafaqohet me një komb që reziston, atëherë nuk ka rrugë tjetër përveç se të tërhiqet. Supozimi se kombi iranian erdhi në tryezën e bisedimeve nën presionin e sanksioneve është një gabim absolut.

     Vërejtjet nga Udhëheqësi erdhën ndërsa Sejjid Abbas Arakki, Zëvendës Ministri i Jashtëm i Iranit dhe një nga negociatorët më të lartë të vendit, arriti sot në Gjenevë  dhe ka të ngjarë që të mbajë një takim tri-palësh me zëvendës shefin për Politikë të Jashtme të BE-së Helga Schmid dhe përfaqësuesin e SHBA në bisedimet bërthamore,  Wendy Sherman.

     Vizita e Zv.Ministrit të Jashtëm të Iranit për Çështje Ligjore dhe Ndërkombëtare në Gjenevë, Zvicër, ka për qëllim zgjidhjen e çështjeve të pazgjidhura  që mbetën gjatë bisedimeve të mëparshme të ekspertëve  të nivelit të lartë në mes Iranit dhe Grupit 5 +1 (SHBA, Britania, Franca, Rusia, Kina dhe Gjermania).

     Duke folur të enjten, më 9 janar 2014, Sejjid Abbas Arakki tha se ai mund të ketë një takim tri-palësh me Schmid  e BE-së dhe të Nënsekretarit Amerikan për Çështje Politike, Wendy Sherman në Gjenevë, sot.