Gazetari saudit përgëzon Mexhid Mexhidin për filmin Muhammedi ( a.s.)

Një gazetar i shquar saudit vlerësoi filmin e regjisorit Iranian, Mexhid Mexhidi Muhammedi: I Dërguari i Allahut.

Davud el-Sharjan në një artikull të botuar në gazetën el-Hajat shkruante se filmi paraqet Islamin në një mënyrë të bukur që predikuesit dhe librat nuk janë të aftë për ta bërë.

Ai hodhi poshtë thirrjet për ndalimin e filmit, duke theksuar se pavarësisht disa kërkesave, pamja e Pejgamberit (a.s.) nuk është paraqitur në film.

Davud Al-Sharjan në artikull  vazhdoi duke thënë se filmi i Mexhidit   bukur e portretizon karakterin e Profetit të Shenjtë (a.s.) deri në 13-të vitet a para të profetësisë.

Prodhimi epik i Mexhidit është pjesa e parë e një trilogjie mbi jetën e Profetit të Shenjtë të Islamit, Muhammedi (a.s.) i cili rrëfen për vitet e para të profetësisë së tij në qytetin e Mekës.

U deshën pesë vjet për Mexhid Mexhidin dhe ekipin e tij për të prodhuar filmin 171-minutësh. Me një buxhet prej më shumë se 55.000.000 dollar, është filmi më i shtrenjtë i bërë ndonjëherë në Iran.

Producent i filmit është Muhammed Mehdi Heidarian, filmi u xhirua në Iran dhe qytetin Bela-Bela në Afrikën e Jugut.

Projekti i kinematografisë  është realizuar në bashkëpunim

mjeshtrit e njohur ndërkombëtarë dhe artistë të tillë si kineasti italian, Vittorio Storaro, redaktori italian i filmit, Roberto Perpignani, artisti amerikan për  efekte speciale, Scott E. Anderson, artist italian për kozmetikë, Gianetto De Rossi  dhe kompozitor indian, A.R. Rahman.

Disa personalitete në Botën Muslimane e kanë kundërshtuar shfaqjen e filmit. Ata thonë se pamja e Profetit të Shenjtë, Muhammedit (a.s.) është Haram (e ndaluar fetarisht).

Për këtë ndërkohë Mexhid Mexhidi ka rikonfirmuar me kohë dhe e e ka përsëritur disa herë se Profeti (a.s.) nuk shfaqet në film për shkak të shenjtërisë, karakterit sublim të të dërguarit të fundit të Zotit.