ISIS-i ekzekuton gazetarin irakian në Mosul për spiunazh

Grupi terrorist tekfirist ISIL ka ekzekutuar një gazetar irakian në qytetin verior të Mosulit kinse për spiunazh, thonë zyrtarët lokal.

Një ish-oficer lokal i sigurisë dhe një burim mjekësor, emrat e të cilëve nuk janë përmendur në raportet, konfirmoi të shtunën vdekjen me pushkatim të 27-vjeçarit, Xhelal el-Abadi në kryeqytetin e Provincës Ninive të mërkurën.

Xhelel el-Abadi, i cili kishte punuar si gazetar dhe kameraman për mbi 10 vjet, ishte mbajtur në robëri për 41 ditë, pasi u rrëmbye nga shtëpia e tij më 4 qershor 2015.

Baba i dy fëmijëve, ai kishte lënë Mosulin në muajin qershor 2014, por u kthyen sërish në qytet në fillim të këtij viti. Ai u rrëmbye para se ai mund të largohet përsëri dhe u akuzua nga ISIS-i me rrjedhjen e informacionit, në lidhje me grupin terrorist në shtypin kombëtar.

Muhammed al-Bejati, kreu i Rrjetit Media Ninive, e dënoi ekzekutimin e Xhelal el-Abadit nga ISIS-i dhe i bëri thirrje Organizatës së Kombeve të Bashkuara për të mbështetur familjet e të gjithë gazetarëve të vrarë nga grupi terrorist tekfirist.

Xhelal el-Abadi raportohet se është gazetari i 15-të nga Mosul që u ekzekutuar nga militantët e ISIS-it.

ISIS-i, i cila ka pasur qytetin e Mosulit nën kontrollin e tij që nga 10 qershori  2014, lëshoi ​​udhëzime për gazetarët në tetor të atij viti duke thënë se ata duhet të deklarojnë besnikërinë ndaj grupit terrorist në mënyrë që të marrë miratimin për raportet e tyre.

ISIS-i e filloi fushatën e tij të terrorit në Irak në fillim të muajit qershor të vitit të kaluar. Militantët e armatosur rëndë morën kontrollin e Mosulit para se të pushtojnë siperfaqe të mëdha të Irakut.

Terroristët kanë kryer akte të tmerrshme të dhunës, duke përfshirë prerjeve të kokave publike, kundër të gjitha komuniteteve të Irakut si muslimanëve shiitë,  muslimanëve sunnitë, muslimanëve kurdë dhe të krishterëve.

Ushtarë irakianë, njësitë policore, forcat kurde, dhe vullnetarët muslimanë shiitë dhe sunnitë  janë të angazhuar nëpër beteja me militantët për t’i përzënë ata nga zonat që ata i kanë nën kontroll.