Ban Ki Mun bën thirrje për armëpushim në Siri përpara bisedimeve të Gjenevës

Sekretari i Përgjithshëm i OKB-së Ban Ki – Mun ka bërë thirrje për zbatimin e një armëpushim para fillimit të raundit të dytë të bisedimeve të paqes së pritshme në Gjenevë.

      Lufta në Siri duhet të pushojë para se negociatat politike për një qeveri kalimtare për të rivendosur paqen në këtë vend të shkatërruar nga lufta , iu tha Ban Ki Mun gazetarëve në Nju Jork të hënën, më 16 dhjetor 2013.

    Ne duhet të kemi një ndërprerjes të armiqësive para se të fillojmë dialogun politik për Sirinë në Gjenevë , tha Ban Ki Mun, duke shtuar se: Kjo luftë duhet të ndalet.

       Përfaqësuesit e qeverisë siriane dhe të opozitës janë caktuar të takohen me të dërguarin për paqë të Ligës Arabe në Kombet e  Bashkuara, Lakhdar Brahimi në Zvicër, më 22 janar 2014, për të diskutuar rrugët për t’i dhënë fund  konfliktit gati tre vjeçarë.

      Siria është kapluar nga trazirat vdekjepruese që nga viti 2011. Sipas njoftimeve, fuqitë perëndimore dhe aleatët e tyre rajonal - sidomos Katari, Arabia Saudite dhe Turqia - po mbështesin militantët që veprojnë brenda vendit.

     Ushtria Kombëtare e Sirisë  filloi një operacion ushtarak në shkallë të gjerë në muajin maj 2013 në krahinat kryesore të vendit për të rivendosur sigurinë dhe lirimin e qytetarëve nga kërcënimet terroriste.

      Siria u godit nga trazirat e dhunshme që nga mesi i muajit mars, 2011,  ku qeveria siriane akuzon aktorët e huaj, kryesisht Arabinë  Saudite dhe Turqinë, për orkestrimin e konfliktit duke përkrahur  grupet militante të opozitës me armë dhe të holla.