Ministrat e jashtëm iranian e turk bëjnë thirrje për armëpushim në Siri

Ministrat e Jashtëm të Iranit dhe Turqisë kanë bërë thirrje për një armëpushim në Siri para konferencës së ardhshme të paqes në Gjenevë , e cila është projektuar për të ndalur luftën vdekjepruese në këtë shtet arab.
    Të gjitha përpjekjet duhet të drejtohen në përfundimin e konfliktit dhe [ të vendoset  ] një armëpushim në Siri para Konferencës së Gjenevës II , tha Ministri i Jashtëm i Iranit, Muhammed Xhevad Zarif, në një konferencë të përbashkët shtypi me homologun e tij turk Ahmet Davutoglu në Teheran, të mërkurën, më 27 nëntor 2013.         Konferenca e shumëpritur Gjeneva II, e cila ishte propozuar nga Shtetet e Bashkuara dhe Rusia në muajin maj 2013, është planifikuar të mbahet më 22 janar, 2014.
     Ministri i Jashtëm i Iranit, Muhammed Xhevad Zarif  tha se Teherani dhe Ankaraja kanë rënë dakord se nuk ka zgjidhje ushtarake të krizës Siriane , dhe se të gjitha palët duhet të bashkëpunojnë për të zgjidhur politikisht trazirat në vend të luftës.
    Sipas Zarifit, të dy ministrat mbajtën, gjithashtu, bisedime rreth mënyrave për të rritur shpërndarjen e ndihmave humanitare për popullin sirian.
     Davutoglu, nga ana e tij, shprehu mbështetjen e Ankarasë për përpjekjet që kanë për qëllim arritjen e një armëpushimi në Siri.