Anglia kërkon për të ndryshuar demografinë e Bahrejnit

Një veprimtar i shquar i Bahrejnit për të drejtat e njeriut, Nabil Rexheb tha se Britania e Madhe është duke ndjekur të njëjtën strategji në Bahrejn sikur që ajo që e ka përdorur për krijimin e Izraelit.

Nabil Rexheb, kryetar i Qendrës për të Drejtat e Njeriut në Bahrejn, deklaroi se Anglia fshehurazi  po zbaton një seri planesh për të ndryshuar demografinë e Bahrejnit.  

Sipas Nabil Rexhebit, fakti që në Bahrejn po i sjellin të huajt dhe vendasit po i dërgojnë në mërgim është një dëshmi se planet e tilla janë duke u zbatuar.

Ai tha se Anglia bëri të njëjtën gjë në Palestinë, e cila përfundimisht çoi në krijimin e Izraelit, raportoi Press TV. 

Nabil Rexheb tha gjithashtu se ekziston një marrëveshje e pashkruar ndërmjet Britanisë dhe Bahrejnit për të shtypur lëvizjet popullore në shtetin e Gjirit Persik.

Ai vuri në dukje se Manama lejojë të ngritet një bazë  e re Ushtarake Britanike  në Bahrejn në shenjë mirënjohjeje për mbështetjen e Londrës për regjimin diktatorial  të Bahrejnit.  

Në fillim të këtij muaji, Anglia nënshkroi një marrëveshje në Bahrein për të zgjeruar dhe konsoliduar praninë e saj afat-gjate detare në rajonin e Gjirit Persik, pavarësisht masave të ashpra të vazhdueshme të regjimit të Manama-s mbi mospajtimet publike.

Mbretëritë Arabe,  të cilat janë dëshmitarë për protestat e përgjakshme kundër regjimit që prej vitit 2011, gjithashtu, e mirëpritën Flotën e Pestë të Marinës së Shteteve të Bashkuara të Amerikës. Baza ushtarake siguron mbrojtje për familjen mbretërore të Bahrejnit, dhe gjithashtu siguron dominimin amerikan në rajonin e pasur me naftë.

Mijëra protestues kundër -regjimit kanë mbajtur demonstrata të shumta në rrugët e Bahrejnit, duke i bërë thirrje familjes mbretërore Al Halifa të heqë dorë nga pushteti. 

Shumë bahrejnas janë torturuar apo vrarë dhe qindra të tjerë janë  plagosur dhe arrestuar nga goditjet e vazhdueshme të regjimit në demonstrata paqësore.